భారతీయ అంతరిక్ష పరిశోధన సంస్థ (ఇస్రో) 23 ఆగస్టు 2023న చంద్రయాన్-3 యొక్క ల్యాండర్ మాడ్యూల్ అయిన విక్రమ్ ల్యాండర్ని చంద్రుని ఉపరితలంపై విజయవంతంగా సాఫ్ట్ ల్యాండింగ్ చేసి ప్రగ్యాన్ రోవర్ని విడుదల చేయడం జరిగింది. ఈ నేపథ్యంలో చంద్రయాన్-3 పంపిన దృశ్యాలంటూ కొన్ని ఫొటోలు, వీడియోలు సోషల్ మీడియాలో బాగా ప్రచారంలో ఉన్నాయి. దీంట్లో ఎంత నిజముందో ఇప్పుడు చూద్దాం.
దృశ్యం 1:
చంద్రయాన్-3 చంద్రుడిపై చిత్రీకరించిన తొలి వీడియో అని చెప్తూ ఒక రోవర్ను చూపుతున్న వీడియో ఒకటి సోషల్ మీడియాలో బాగా ప్రచారంలో ఉంది. దీంట్లో ఎంత నిజముందో ఇప్పుడు చూద్దాం.
![](https://factly.in/wp-content/uploads//2023/08/chandrayaan-images-telugu-claim-1.png)
ముందుగా వీడియోలోని దృశ్యాలను రివర్స్ ఇమేజ్ సెర్చ్ చేయగా, ఇదే ఫొటోని నాసా అధికారిక వెబ్సైట్లో గుర్తించాం. ఈ రోవర్ 2011లో అంగారక గ్రహం పైకి ప్రయోగించబడ్డ “క్యూరియాసిటీ” రోవర్ అని నాసా వెబ్సైట్లో పేర్కొన్నారు. 2014 ఏప్రిల్, మే మధ్యలో రోవర్ చేతికి ఉన్న కెమెరా ద్వారా తీసిన అనేక ఫొటోలను కలపగా ఈ ఫోటో రూపొందిందని వెబ్సైట్లో వెల్లడించారు. ఇక చంద్రయాన్-3 ల్యాండింగ్ తర్వాత ఇస్రో విడుదల చేసిన దృశ్యాలను ఇక్కడ చూడవచ్చు.
![](https://factly.in/wp-content/uploads//2023/08/chandrayaan-images-telugu-image-1.png)
దృశ్యం 2:
![](https://factly.in/wp-content/uploads//2023/08/chandrayaan-images-telugu-claim-2.png)
పై దృశ్యం 2020లో అంగారకుడిపైకి నాసా ప్రయోగించిన “పర్సెవెరెన్స్ రోవర్” తీసిన ఫోటో. 31 జనవరి 2023లో రోవర్ ఈ ఫోటోని తీసినట్లుగా నాసా వెబ్సైట్ పేర్కొంది.
![](https://factly.in/wp-content/uploads//2023/08/chandrayaan-images-telugu-image-2.png)
దృశ్యం 3:
![](https://factly.in/wp-content/uploads//2023/08/chandrayaan-images-telugu-claim-3.png)
పై దృశ్యం 2003లో అంగారకుడిపైకి నాసా ప్రయోగించిన “ఆపర్చునిటీ రోవర్” తీసిన ఫోటో. 29 ఏప్రిల్ 2007లో రోవర్ తన టైరు గుర్తులు చూపుతున్నఈ ఫోటోని తీసినట్లుగా నాసా వెబ్సైట్ పేర్కొంది.
![](https://factly.in/wp-content/uploads//2023/08/chandrayaan-images-telugu-image-3.png)
దృశ్యం 4:
![](https://factly.in/wp-content/uploads//2023/08/chandrayaan-images-telugu-claim-4.png)
పై దృశ్యం 2020లో అంగారకుడిపైకి నాసా ప్రయోగించిన “పర్సెవెరెన్స్ రోవర్” తీసిన ఫోటో. 10 సెప్టెంబర్ 2021లో రోవర్ ఈ సెల్ఫీని తీసినట్లుగా నాసా వెబ్సైట్ పేర్కొంది.
![](https://factly.in/wp-content/uploads//2023/08/chandrayaan-images-telugu-image-4.png)
దృశ్యం 5:
![](https://factly.in/wp-content/uploads//2023/08/chandrayaan-images-telugu-claim-5.png)
పై వీడియోలో ఉన్న దృశ్యాలను అంగారకుడిపై పరిశోధనలు జరుపుతున్న నాసాకు చెందిన “పర్సెవెరెన్స్ రోవర్” 13 జూన్ 2022న చిత్రీకరించినట్లుగా నాసా వెబ్సైట్ పేర్కొంది.
![](https://factly.in/wp-content/uploads//2023/08/chandrayaan-images-telugu-image-5.png)