‘7వ శతాబ్దంలో (1300 ఏళ్ళ క్రితం) తమిళనాడులో నిర్మించిన పంచవర్ణ స్వామి దేవాలయంలో సైకిల్ తొక్కుతున్న భారతీయుని శిల్పం’, అని చెప్తూ ఒక శిల్పం ఫోటోని సోషల్ మీడియాలో చాలా మంది షేర్ చేస్తున్నారు. ఆ పోస్ట్ లో ఎంతవరకు నిజముందో చూద్దాం.
క్లెయిమ్: 1300 ఏళ్ళ క్రితం తమిళనాడులో నిర్మించిన పంచవర్ణ స్వామి దేవాలయంలో సైకిల్ తొక్కుతున్న భారతీయుని శిల్పం.
ఫాక్ట్: ఫోటోలో ఉన్న శిల్పం అసలు భారతదేశంలో లేదు. ఇండోనేషియా లోని బాలి లో ఉన్న ‘Pura Dalem Jagaraga Temple’ లో ఆ సైకిల్ శిల్పం ఉంది. అంతేకాదు, 19 శతాబ్దంలో డచ్ వారితో యుద్ధం జరిగాక ఆ శిల్పాన్ని (ఇతర ఆధునిక పరికరాల శిల్పాలతో పాటు) మందిరం గోడల పై చెక్కినట్టు తెలిసింది. కావున పోస్ట్ లో చెప్పింది తప్పు.
పోస్ట్ లోని ఫోటోని గూగుల్ రివర్స్ ఇమేజ్ సెర్చ్ లో వెతకగా, అదే ఫోటో ‘Tripadvisor’ వెబ్సైటులో దొరుకుంతుంది. ఆ ఫోటో ఇండోనేషియా లోని బాలి లో ఉన్న ‘Pura Dalem Jagaraga Temple’ కి సంబంధించింది అని ఆ వెబ్సైటులో రాసి ఉంటుంది.
ఆ మందిరం పేరుతో ఇంటర్నెట్ లో వెతకగా, ఆ సైకిల్ తొక్కుతున్న శిల్పం కి సంబంధించి చాలా ఫోటోలు సెర్చ్ రిజల్ట్స్ లో వస్తాయి. వాటిని ఇక్కడ, ఇక్కడ, మరియు ఇక్కడ చూడవొచ్చు. ఆ మందిరానికి సంబంధించిన ఒక వీడియోలో కూడా సైకిల్ శిల్పం చూడవొచ్చు.
అంతేకాదు, 19 శతాబ్దంలో డచ్ వారితో యుద్ధం జరిగాక ఆ శిల్పాన్ని (ఇతర ఆధునిక పరికరాల శిల్పాలతో పాటు) మందిరం గోడల పై చెక్కినట్టు తెలిసింది. ఆ మందిరం గోడలపై ఉన్న శిల్పాల గురించి మరింత సమాచారం కోసం ఇక్కడ చదవొచ్చు.
ఇంతకముందు, పంచవర్ణ స్వామి దేవాలయం గురించి చెప్తూ, వేరే ఫోటోలు వైరల్ అయినప్పుడు FACTLY రాసిన ఫ్యాక్ట్-చెక్ ఆర్టికల్ ని ఇక్కడ చదవొచ్చు.
చివరగా, ఇండోనేషియా కి సంబంధించిన శిల్పం ఫోటోని పెట్టి, తమిళనాడు లోని పంచవర్ణ స్వామి దేవాలయంలో 1300 ఏళ్ళ క్రితం నిర్మించిన శిల్పం అని తప్పుగా షేర్ చేస్తున్నారు.
