కంప్యూటర్ లో చేసిన ఫైర్ వర్క్స్ వీడియోని ముంబై లో జరిగినట్టు గా షేర్ చేస్తున్నారు

వెస్ట్ ముంబై లోని బోరివలి లో దీపావళి సందర్భంగా ఫైర్ వర్క్స్ షో చేసారని క్లెయిమ్ చేస్తూ ఒక వీడియో సోషల్ మీడియా లో ప్రచారం కాబడుతుంది. ఆ పోస్టులో ఎంతవరకు నిజం ఉందో కనుక్కుందాం.

క్లెయిమ్: వెస్ట్ ముంబై లోని బోరివలి లో జరిగిన ఫైర్ వర్క్స్ కి సంబంధించిన వీడియో.

ఫాక్ట్ (నిజం): వీడియోలో చూపించిన ఫైర్ వర్క్స్ నిజంగా జరిగింది కాదు, కంప్యూటర్ ఉపయోగించి ఆ వీడియో తయారు చేసారు. కావున, పోస్ట్ లోని క్లెయిమ్ అబద్ధం.  

పోస్ట్ లోని వీడియో యొక్క స్క్రీన్ షాట్స్ ని రివర్స్ ఇమేజ్ సెర్చ్ ద్వారా వెతకగా దానికి సంబంధించిన చాలా సెర్చ్ రిజల్ట్స్ లభించాయి. ఆ వివరాల ప్రకారం, ఆ వీడియో వివిధ వర్షన్లతో సోషల్ మీడియాలో చక్కర్లు కొట్టడాన్ని ఇక్కడ, ఇక్కడ మరియు ఇక్కడ చూడవచ్చు. ఆ వీడియో గురించి వివరాలు తెలుసుకునే క్రమంలోనే, ‘MediaByJJ’ అనే యూట్యూబ్ ఛానల్ అదే వీడియోని 2013లో అప్ లోడ్ చేసింది అని తెలిసింది.

ఆ వీడియో కింద  ఉన్న కథనం ప్రకారం ఆ వీడియో అప్లోడ్ చేసిన వాళ్లే ఆ ఫైర్ వర్క్స్ క్రియేట్ చేసారని, ‘Heart of courage’ అనే పాటని కూడా ‘Fwism‘ అనే సాఫ్ట్ వేర్ టూల్ ని ఉపయోగించి ఆ వీడియోతో జత పరిచినట్టు తెలుస్తుంది. కావున, వీడియో లో కనిపించే ఫైర్ వర్క్స్ నిజంగా జరగలేదు, అది కంప్యూటర్ ద్వారా చేయబడింది.

చివరగా, ముంబయి లో జరిగినట్టు చూపిస్తున్న ఆ ఫైర్ వర్క్స్ వీడియో కంప్యూటర్ ద్వారా చేయబడింది.

ఏది ఫేక్, ఏది నిజం సిరీస్ లో మా వీడియోస్ మీరు చూసారా?