ಖ್ಯಾತ ಗಾಯಕ ಮೊಹಮ್ಮದ್ ರಫಿ ಅವರ ಮೊಮ್ಮಗಳು ಹಿಂದೂ ಸಾಂಪ್ರದಾಯಿಕ ಉಡುಗೆಯಲ್ಲಿ ಹರಿನಾಮ ಸಂಕೀರ್ತನೆ ಮಾಡುತ್ತಿರುವ ಪೋಸ್ಟ್ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ. ಹಾಗಾದರೆ ಆ ಪೋಸ್ಟ್‌ನಲ್ಲಿ ಎಷ್ಟು ಸತ್ಯವಿದೆ ಎಂದು ನೋಡೋಣ.
ಕ್ಲೇಮ್: ಖ್ಯಾತ ಗಾಯಕ ಮೊಹಮ್ಮದ್ ರಫಿ ಅವರ ಮೊಮ್ಮಗಳು ಹಿಂದೂ ವೇಷಭೂಷಣದಲ್ಲಿ ಹರಿನಾಮ ಸಂಕೀರ್ತನೆ ಮಾಡುತ್ತಿರುವ ವಿಡಿಯೋ.
ಫ್ಯಾಕ್ಟ್: ವೀಡಿಯೋದಲ್ಲಿ ಹರಿನಾಮ ಸಂಕೀರ್ತನೆ ಮಾಡುತ್ತಿರುವುದು ಮೊಹಮ್ಮದ್ ರಫಿ ಅವರ ಮೊಮ್ಮಗಳಲ್ಲ ಬದಲಾಗಿ ಭಕ್ತಿ ಗಾಯಕಿ ಗೀತಾಂಜಲಿ ರಾಯ್. 2013ರಲ್ಲಿ ಚಿನ್ಮಯ್ ಸಂಸ್ಥೆ ಆಯೋಜಿಸಿದ್ದ ಭಜನಾ ಕಾರ್ಯಕ್ರಮದಲ್ಲಿ ಗೀತಾಂಜಲಿ ರಾಯ್ ಈ ಪ್ರದರ್ಶನ ನೀಡಿದ್ದರು ಎಂದು ವಿಶ್ಲೇಷಣೆಯಿಂದ ತಿಳಿದುಬಂದಿದೆ. ಆದ್ದರಿಂದ, ಪೋಸ್ಟ್‌ನಲ್ಲಿ ಮಾಡಿದ ಕ್ಲೇಮ್ ತಪ್ಪಾಗಿದೆ.
ಪೋಸ್ಟ್‌ನಲ್ಲಿ ಹಂಚಿಕೊಂಡಿರುವ ವೀಡಿಯೊದ ಸ್ಕ್ರೀನ್‌ಶಾಟ್‌ಗಳ ರಿವೆರ್ಸೆ ಇಮೇಜ್ ಹುಡುಕಾಟವು ‘Spirtual Mantras and Bhajans’ ಎಂಬ ಯೂಟ್ಯೂಬ್ ಚಾನೆಲ್ ನಲ್ಲಿ ಈ ವೀಡಿಯೊವನ್ನು 2017 ರಲ್ಲಿ ಪೋಸ್ಟ್ ಮಾಡಲಾಗಿದೆ ಎಂದು ತಿಳಿದುಬಂದಿದೆ. ವಿಡಿಯೋದಲ್ಲಿ ಹರಿನಾಮ ಸಂಕೀರ್ತನೆಯನ್ನು ಗೀತಾಂಜಲಿ ರಾಯ್ ಮಾಡುತ್ತಿದ್ದಾರೆ ಎಂದು ವಿಡಿಯೋ ವಿವರಣೆಯಲ್ಲಿ ಹೇಳಲಾಗಿದೆ. ಈ ವಿವರಗಳ ಆಧಾರದ ಮೇಲೆ, ಆ ವೀಡಿಯೊದ ಬಗ್ಗೆ ಮಾಹಿತಿಯನ್ನು ಹುಡುಕಿದಾಗ, ಪೋಸ್ಟ್‌ನಲ್ಲಿ ಹಂಚಿಕೊಂಡ ಅದೇ ವೀಡಿಯೊವನ್ನು ಗೀತಾಂಜಲಿ ರಾಯ್ ಅವರ ಅಫೀಷಿಯಲ್ ಯೂಟ್ಯೂಬ್ ಚಾನೆಲ್ ’14ನೇ ಏಪ್ರಿಲ್ 2013′ ರಂದು ಅಪ್‌ಲೋಡ್ ಮಾಡಿರುವುದು ತಿಳಿದು ಬಂದಿದೆ. ಚಿನ್ಮಯ ಸಂಸ್ಥೆ ಆಯೋಜಿಸಿದ್ದ ಭಜನಾ ಕಾರ್ಯಕ್ರಮದಲ್ಲಿ ಗೀತಾಂಜಲಿ ರಾಯ್ ಅಭಿನಯದ ವಿಡಿಯೋ ಎಂದು ಅಲ್ಲಿ ತಿಳಿಸಲಾಗಿದೆ.
ಪುಣೆಯ ಪ್ರಸಿದ್ಧ ಭಕ್ತಿ ಗಾಯಕಿ ಗೀತಾಂಜಲಿ ರಾಯ್ ಅವರು ವಿವಿಧ ದೇಶಗಳಲ್ಲಿ ಭಜನಾ ಕಾರ್ಯಕ್ರಮಗಳು ಮತ್ತು ಸಂಗೀತ ಕಚೇರಿಗಳಲ್ಲಿ ಪ್ರದರ್ಶನ ನೀಡುತ್ತಾರೆ. ‘ಆರ್ಟ್ ಆಫ್ ಲಿವಿಂಗ್’ ಸಂಸ್ಥೆಯ ಸದಸ್ಯೆಯೂ ಆಗಿದ್ದಾಳೆ. ಗೀತಾಂಜಲಿ ರಾಯ್ ಅವರ ಇನ್ನೂ ಕೆಲವು ಪ್ರದರ್ಶನಗಳನ್ನು ಇಲ್ಲಿ ಮತ್ತು ಇಲ್ಲಿ ಕಾಣಬಹುದು.
ಅದೇ ವಿಡಿಯೋವನ್ನು ಪೋಸ್ಟ್‌ನಲ್ಲಿ ತೋರಿಸುವ ಮೂಲಕ ಕೆಲವರು ಗೀತಾಂಜಲಿ ರಾಯ್ ಮೊಹಮ್ಮದ್ ರಫಿ ಅವರ ಮಗಳು ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡಿದ್ದಾರೆ. ಇದಲ್ಲದೆ ಗೀತಾಂಜಲಿ ರಾಯ್ ಹೊರತುಪಡಿಸಿ, ಇನ್ನೂ ಕೆಲವರು ಮೊಹಮ್ಮದ್ ರಫಿ ಅವರ ಮೊಮ್ಮಗಳು ಎಂದು ವೈರಲ್ ಮಾಡಿದ್ದಾರೆ. ಆದರೆ ಆಕೆಗೂ ಖ್ಯಾತ ಗಾಯಕ ಮೊಹಮ್ಮದ್ ರಫಿಗೆ ಯಾವುದೇ ಸಂಬಂಧಿಸಿಲ್ಲ.
ಒಟ್ಟಾರೆಯಾಗಿ ಹೇಳುವುದಾದರೆ, ವೀಡಿಯೊದಲ್ಲಿ ಹರಿನಾಮ ಸಂಕೀರ್ತನೆಯನ್ನು ಮಾಡುತ್ತಿರುವುದು ಪ್ರಸಿದ್ಧ ಭಕ್ತಿ ಗಾಯಕಿ ಗೀತಾಂಜಲಿ ರಾಯ್, ಮೊಹಮ್ಮದ್ ರಫಿ ಅವರ ಮೊಮ್ಮಗಳಲ್ಲ.
