ಐಎಂಎಫ್ ನೀಡಿರುವ ವಿವಿಧ ಆರ್ಥಿಕತೆಗಳು ಬೆಳೆಯುತ್ತಿರುವ ದರ ಪಟ್ಟಿ ಎಂದು ಹೇಳಲಾಗಿರುವ ಪಟದ ಜೊತೆಗೆ ಕೋವಿಡ್-19ರ ಸಂದರ್ಭದಲ್ಲಿಯೂ 2020ರ ಭಾರತದ ಜಿಡಿಪಿಯು ವಿಶ್ವ ಆರ್ಥಿಕತೆಗಳ ಪೈಕಿ ಅತಿ ಹೆಚ್ಚು ಪ್ರಗತಿ ಸಾಧಿಸಿದೆ ಎಂಬುದಾಗಿ ಉಲ್ಲೇಖಸಿರುವ ಪೋಸ್ಟ್ ಒಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಅದು ನಿಜವೇ ಎಂಬುದನ್ನು ಪರಿಶೀಲಿಸೋಣ.
![](https://factly.in/wp-content/uploads//2020/08/IMF-growth-projection-Kannada-685x1024.jpg)
ಪ್ರತಿಪಾದನೆ: 2020 ರಲ್ಲಿ ಭಾರತದಲ್ಲಿ 1.9% ಜಿಡಿಪಿ ಬೆಳವಣಿಗೆಯನ್ನು ಐಎಂಎಫ್ ಅಂದಾಜಿಸಿದ್ದು, ಇದು ವಿಶ್ವ ಆರ್ಥಿಕತೆಗಳ ಪೈಕಿ ಅತಿ ಹೆಚ್ಚಿನದಾಗಿದೆ.
ನಿಜಾಂಶ: 2020 ರ ಏಪ್ರಿಲ್ನಲ್ಲಿ ಭಾರತದಲ್ಲಿ1.9% ಜಿಡಿಪಿ ಬೆಳವಣಿಗೆಯನ್ನು ಐಎಂಎಫ್ ಅಂದಾಜಿಸಿತ್ತು. ಆದರೆ ತದನಂತರ 2020ರ ಜೂನ್ನಲ್ಲಿನ ಐಎಂಎಫ್ ಪರಿಷ್ಕೃತ ವರದಿಯಲ್ಲಿ ಭಾರತವು -4.2% ನಕಾರಾತ್ಮಕ ಬೆಳವಣಿಗೆಗೆ ಸಾಕ್ಷಿಯಾಗಲಿದೆ ಎಂದು ಅಂದಾಜಿಸಿದೆ. ಹಾಗಾಗಿ ಪೋಸ್ಟ್ನಲ್ಲಿನ ಪ್ರತಿಪಾದನೆ ದಿಕ್ಕು ತಪ್ಪಿಸುವಂತಿದೆ.
ಪೋಸ್ಟ್ ನಲ್ಲಿನ ಚಿತ್ರದಲ್ಲಿ ಮಾಹಿತಿ ಮೂಲ ಐಎಂಎಫ್ ಎಂದು ನಮೂದಿಸಿದೆ. ಅದರ ಆಧಾರದಲ್ಲಿ ಐಎಂಎಫ್ ನ ಈ ಅಂಕಿಅಂಶಗಳಿಗಾಗಿ ನಾವು ಹುಡುಕಿದಾಗ 2020ರ ಏಪ್ರಿಲ್ನಲ್ಲಿ ಬಿಡುಗಡೆಯಾಗಿರುವ ವರ್ಲ್ಡ್ ಎಕಾನಾಮಿಕ್ ಔಟ್ಲುಕ್ ವರದಿ ಕಾಣುತ್ತದೆ. ಅದರಲ್ಲಿ ಕೋವಿಡ್-19 ಸಾಂಕ್ರಾಮಿಕದ ಸಮಯದಲ್ಲಿ ವಿಶ್ವದ ಹಲವು ಆರ್ಥಿಕತೆಗಳ ಬೆಳವಣಿಗೆ ದರವನ್ನುಅಂದಾಜಿಸಲಾಗಿದೆ.
![](https://factly.in/wp-content/uploads//2020/08/IMF-Growth-Prediction-April.png)
ಆದರೆ 2020ರ ಜೂನ್ ತಿಂಗಳಿನಲ್ಲಿ ಐಎಂಎಫ್ ಮತ್ತೊಂದು ವರದಿಯನ್ನು ಬಿಡುಗಡೆಗೊಳಿಸಿದೆ. ಆ ವರದಿಯಲ್ಲಿ 2020ರ ಭಾರತದ ಜಿಡಿಪಿ ಬೆಳವಣಿಗೆಯು -4.5%ಕ್ಕೆ ಕುಸಿದಿದ್ದು, ಚೀನಾ ಮಾತ್ರವೇ ಸಕರಾತ್ಮಕ (1.0%) ಬೆಳವಣಿಗೆ ಹೊಂದಲಿರುವ ದೇಶ ಎಂದು ಅಂದಾಜಿಸಲಾಗಿದೆ. ಹಾಗಾಗಿ ಪೋಸ್ಟ್ ನಲ್ಲಿನ ಪ್ರತಿಪಾದನೆ ಹಿಂದಿನದೇ ಹೊರತು ಇತ್ತೀಚಿನದಲ್ಲ ಎಂದು ಹೇಳಬಹುದಾಗಿದೆ.
![](https://factly.in/wp-content/uploads//2020/08/IMF-Growth-Prediction-June.png)
ವಿಶ್ವಬ್ಯಾಂಕ್, ಏಷ್ಯನ್ ಡೆವಲಪ್ಮೆಂಟ್ ಬ್ಯಾಂಕ್ ಮತ್ತು ವರ್ಲ್ಡ್ ಎಕಾನಾಮಿಕ್ ಫೋರಂ ಸೇರಿದಂತೆ ಹಲವು ಸಂಸ್ಥೆಗಳು ಸಹ ಜಿಡಿಪಿ ಬೆಳವಣಿಗೆಯ್ನು ಅಂದಾಜಿಸಿವೆ. ಅದರಲ್ಲಿ 2020ರ ಜೂನ್ನಲ್ಲಿ ವಿಶ್ವಬ್ಯಾಂಕ್ ‘ವರ್ಲ್ಡ್ ಎಕಾನಾಮಿಕ್ ಪ್ರಾಸ್ಪೆಕ್ಟ್ಸ್’ ಎಂಬ ವರದಿಯನ್ನು ಬಿಡುಗಡೆ ಮಾಡಿದ್ದು, ಅದು ಭಾರತವು 2020ರ ವರ್ಷದಲ್ಲಿ-3.2% ಬೆಳವಣಿಗೆಯನ್ನು ಅಂದಾಜಿಸಿದೆ.
![](https://factly.in/wp-content/uploads//2020/08/IMF-Growth-Prediction-WB.jpg)
ಅದೇ ರೀತಿ ಏಷ್ಯನ್ ಡೆವಲಪ್ಮೆಂಟ್ ಬ್ಯಾಂಕ್ ಭಾರತವು 2020ರ ವರ್ಷದಲ್ಲಿ -4.0% ಬೆಳವಣಿಗೆ ಹೊಂದಲಿದೆ ಎಂದು ಅಂದಾಜಿಸಿದೆ.
![](https://factly.in/wp-content/uploads//2020/08/IMF-Growth-Prediction-ADBjpg.jpg)
ಒಟ್ಟಿನಲ್ಲಿ2020ರ ಭಾರತದ ಜಿಡಿಪಿಯು ವಿಶ್ವ ಆರ್ಥಿಕತೆಗಳ ಪೈಕಿ ಅತಿ ಹೆಚ್ಚು ಪ್ರಗತಿ ಸಾಧಿಸಿದೆ ಎಂದುಹಳೆಯ ಜಿಡಿಪಿ ಬೆಳವಣಿಗೆಯ ಅಂದಾಜನ್ನು ಹಂಚಿಕೊಳ್ಳಲಾಗಿದೆ.