ఒక సమావేశంలో మోడీ సభ మధ్యలో కూర్చుని ప్రసంగిస్తుంటే ట్రంప్ సహా మరి కొంత మంది వ్యక్తుల వింటున్నట్లుగా ఉన్న ఫోటో ని ఫేస్బుక్ లో పోస్టు చేసి “చెప్పేది #మోదీజీ.. వినేది ప్రపంచ అగ్రదేశాలు (#G7)” అని చెప్తున్నారు. ఆ పోస్ట్ లో ఎంతవరకు నిజముందో విశ్లేషిద్ధాం
క్లెయిమ్: G7 సమావేశంలో మోడీ సభ మధ్యలో కూర్చుని ప్రసంగిస్తుంటే ఇతర ప్రపంచ దేశాల నేతలు వింటున్నట్టు ఫొటోలో చూడవచ్చు.
ఫాక్ట్ (నిజం): ఫోటో G7 సమ్మిట్ సందర్భంలో మోడీ-ట్రంప్ కి మధ్య జరిగిన ‘ద్వైపాక్షిక’ భేటీ కి సంబంధించింది. అందులో కనిపించే ఇతర వ్యక్తులు ప్రపంచ దేశాల నేతలు కారు. వారు ఇరు దేశాల ( భారత్ మరియు అమెరికా) ప్రతినిధులు. కావున పోస్ట్ లో చెప్పింది తప్పు.
పోస్టులో పెట్టిన ఫోటోని గూగుల్ రివర్స్ ఇమేజ్ సెర్చ్ చేయగా, అది డోనాల్డ్ ట్రంప్ ట్విట్టర్ లో పెట్టిన ఒక ట్వీట్ లో లభించింది. ఆ ట్వీట్ లో ట్రంప్ ఫ్రాన్స్ లో నిర్వహించిన G7 సమావేశం సందర్భంగా మోడీని కలిసినట్లుగా పేర్కొన్నారు.
Just wrapped up a great meeting with my friend Prime Minister @NarendraModi of India at the #G7Summit in Biarritz, France! pic.twitter.com/q0NOnEcjFO
— Donald J. Trump (@realDonaldTrump) August 26, 2019
యూట్యూబ్ లో ‘G7 Modi Trump meeting’ అనే కీవర్డ్స్ తో వెతికినప్పుడు వచ్చిన సెర్చ్ రిజల్ట్స్ ద్వారా, వారి ఇద్దరి మధ్యలో G7 సమ్మిట్ సందర్భంలో జరిగింది భారత్-అమెరికా ‘ద్వైపాక్షిక’ భేటీ అని తెలిసింది. వాటిని ఇక్కడ, ఇక్కడ మరియు ఇక్కడ చూడవచ్చు. ఆ సమావేశం వీడియోని చూసినట్లయితే, ఆ భేటీలో కేవలం భారత్ మరియు అమెరికా జెండాలు మాత్రమే కనిపిస్తాయి. వేరే ఏ ఇతర దేశ జెండా కూడా కనిపించదు. అనగా, అది భారత్ మరియు అమెరికా దేశాల మధ్య జరుగుతున్న ద్వైపాక్షిక భేటీ అని సంకేతం.
పోస్టులో పెట్టిన ఫొటోలో ఉన్న వ్యక్తులు మరియు వారు కూర్చున్న క్రమము మోడీ-ట్రంప్ సమావేశానికి సంబంధించిన వీడియోలో కూడా అలానే ఉన్నట్లుగా చూడవచ్చు.
చివరగా, పోస్టులో పెట్టిన ఫోటో G7 సమ్మిట్ సందర్భంలో మోడీ-ట్రంప్ కి మధ్య జరిగిన ‘ద్వైపాక్షిక’ భేటీ ది. అందులో కనిపించే వ్యక్తులు ప్రపంచ దేశాల నేతలు కారు. వారు భారత్ మరియు అమెరికా దేశ ప్రతినిధులు.
ఏది ఫేక్, ఏది నిజం సిరీస్ లో మా వీడియోస్ మీరు చూసారా?
