Coronavirus, Coronavirus Telugu, Fake News, Telugu
 

వీడియోలో క్రికెట్ ఆడుతున్నది బారాముల్లా (జమ్ము కాశ్మీర్) లోని క్వారంటైన్ సెంటర్ లో, ముంబై లో కాదు

1

క్వారంటైన్ సెంటర్ లో కొంతమంది వ్యక్తులు క్రికెట్ ఆడుతున్న వీడియో ని ఫేస్బుక్ లో పోస్టు చేసి, ఆ ఘటన ముంబై లో ని క్వారంటైన్ సెంటర్ లో జరిగిందని చెప్తున్నారు. ఆ పోస్ట్ లో ఎంతవరకు నిజముందో చూద్దాం. 

ఈ పోస్ట్ యొక్క ఆర్కైవ్డ్ వెర్షన్ ఇక్కడ చూడవచ్చు

క్లెయిమ్: ముంబై లోని క్వారంటైన్ సెంటర్ లో క్రికెట్ ఆడుతున్న వీడియో.

ఫాక్ట్ (నిజం): వీడియో లో క్రికెట్ ఆడుతున్నది ముంబై లోని క్వారంటైన్ సెంటర్ కాదు, అది బారాముల్లా (జమ్మూ & కాశ్మీర్) లోని క్వారంటైన్ సెంటర్. కావున పోస్టులో చేస్తున్న క్లెయిమ్ తప్పు.    

పోస్టు లోని వీడియో గురించి గూగుల్ లో కీవర్డ్స్ తో వెతికినప్పుడు, అదే వీడియో తో ఉన్న ‘Times of India’ కథనం లభించింది. ఆ కథనం లో, వీడియో లోని వారు క్రికెట్ ఆడుతున్నది బారాముల్లా(జమ్మూ & కాశ్మీర్) లోని క్వారంటైన్ సెంటర్ లో అని ఉంది. కాశ్మీర్ కి చెందిన ఒక జర్నలిస్ట్ కూడా అదే వీడియోని ట్విట్టర్ లో పెట్టి, ఆ ఘటన  బారాముల్లా జిల్లా లోని క్వారంటైన్ సెంటర్ లో జరిగిందని పేర్కొన్నాడు.  

ఏప్రిల్ 2020 లో బారాముల్లా లోని ఇన్ డోర్ స్టేడియంని కోవిడ్-19 క్వారంటైన్ సెంటర్ గా జమ్మూ & కాశ్మీర్ ప్రభుత్వం మార్చినప్పుడు ‘Republic TV’ న్యూస్ ని ప్రసారం చేసింది. ఆ న్యూస్ వీడియో లో కూడా ఆ స్టేడియం ని చూడవచ్చు. 

చివరిగా, వీడియో లోని వారు  క్రికెట్ ఆడుతున్న క్వారంటైన్ సెంటర్ ముంబై లోనిది కాదు. 

‘మీకు తెలుసా’ సిరీస్ లో మా వీడియోస్ మీరు చూసారా?

Share.
scroll