‘కేరళలో భారతీయ ముస్లింలు CAA మరియు NRC కి మద్దతు పలుకుతూ ర్యాలీ జరిపారు’ అని చెప్తూ ఒక వీడియోని చాలా మంది ఫేస్బుక్ లో షేర్ చేస్తున్నారు. ఆ పోస్ట్ లో ఎంతవరకు నిజముందో విశ్లేషిద్ధాం.
క్లెయిమ్: CAA మరియు NRC కి మద్దతుగా కేరళ ముస్లింలు నిర్వహించిన ర్యాలీ వీడియో.
ఫాక్ట్ (నిజం): పోస్ట్ లో ఉన్నది పాత వీడియో. ఈ సంవత్సరం మే నెలలో ఇదే వీడియోని యూట్యూబ్ లో అప్లోడ్ చేసినట్టుగా చూడొచ్చు. కావున, పోస్ట్ లో చెప్పింది తప్పు.
పోస్ట్ లోని వీడియోని ఇన్విడ్ ప్లగిన్ సహాయంతో ఫ్రేమ్స్ గా విభజించి, వాటిని గూగుల్ రివర్స్ ఇమేజ్ సెర్చ్ లో వెతకగా, పోస్ట్ లో ఉన్న వీడియో లాంటిదే కొన్ని వీడియోలు సెర్చ్ రిజల్ట్స్ లో వస్తాయి. వాటిల్లో ఒక వీడియోని మే నెలలోనే యూట్యూబ్ లో పోస్ట్ చేసినట్టుగా చూడవచ్చు. ఆ వీడియో కింద ‘Muslims Celebrate on PM Narendra Modi Victory from Varanasi in 2019 Loksabha Polls’ అని రాసి ఉంటది. ఆ వీడియో లో మోడీ గెలిచినందుకే వాళ్ళు రాలీ లో పాల్గొన్నారని కచ్చితంగా చెప్పలేము, కానీ అది CAA మరియు NRC కి సంబంధించిన రాలీ వీడియో మాత్రం కాదు.
ఇదే వీడియో ఆగష్టులో మరొక క్లెయిమ్ (‘ఆర్టికల్ 370 రద్దుకు మద్దతుగా ముస్లిం సోదరులు ర్యాలీ’) తో వైరల్ అయినప్పుడు ‘FACTLY’ వారు రాసిన ఆర్టికల్ ని ఇక్కడ చూడవొచ్చు.
చివరగా, పాత వీడియో పెట్టి, ‘CAA మరియు NRC కి మద్దతుగా కేరళ ముస్లింలు ర్యాలీ’ అని తప్పుగా షేర్ చేస్తున్నారు.
ఏది ఫేక్, ఏది నిజం సిరీస్ లో మా వీడియోస్ మీరు చూసారా?
