ಕೋತಿ ತಾನಾಗಿಯೇ ದೇವಸ್ಥಾನಕ್ಕೆ ಭೇಟಿ ನೀಡಿ ವಿಗ್ರಹದ ಮುಂದೆ ನಮಸ್ಕರಿಸುತ್ತಿರುವ ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಶೇರ್ ಮಾಡಲಾಗಿದ್ದು, ಈ ಘಟನೆ ಅಯೋಧ್ಯೆಯಲ್ಲಿ ನಡೆದಿದೆ ಮತ್ತು ಕೋತಿ ಪ್ರತಿದಿನ ದೇವಸ್ಥಾನಕ್ಕೆ ಭೇಟಿ ನೀಡುತ್ತಿದೆ ಎಂದು ಹೇಳಿಕೊಂಡಿದ್ದಾರೆ. ಪೋಸ್ಟ್‌ನಲ್ಲಿ ಮಾಡಿದ ಕ್ಲೈಮ್ ಅನ್ನು ಪರಿಶೀಲಿಸೋಣ.
ಕ್ಲೇಮ್ : ಪ್ರತಿನಿತ್ಯ ಅಯೋಧ್ಯೆಯ ದೇವಸ್ಥಾನಕ್ಕೆ ಕೋತಿಯೊಂದು ಭೇಟಿ ನೀಡುವ ದೃಶ್ಯಗಳು.
ಫ್ಯಾಕ್ಟ್ : ಕೋತಿಯು ನಿಯಮಿತವಾಗಿ ದೇವಸ್ಥಾನಕ್ಕೆ ಭೇಟಿ ನೀಡುವುದನ್ನು ಮತ್ತು ಲಕ್ನೋದ ಬುದ್ಧೇಶ್ವರ ಮಹಾದೇವ ದೇವಸ್ಥಾನದಲ್ಲಿ ವಿಗ್ರಹಗಳ ಮುಂದೆ ನಮಸ್ಕರಿಸುವುದನ್ನು ದೃಶ್ಯಗಳು ತೋರಿಸುತ್ತವೆ. ಆದ್ದರಿಂದ ಪೋಸ್ಟ್‌ನಲ್ಲಿ ಮಾಡಿದ ಕ್ಲೇಮ್ ತಪ್ಪುದಾರಿಗೆಳೆಯುತ್ತಿದೆ.
ವೈರಲ್ ಆಗಿರುವ ವಿಡಿಯೋದಲ್ಲಿನ ನಿರೂಪಕನು ಕೋತಿಯು ದರ್ಶನಕ್ಕಾಗಿ ಪ್ರತಿದಿನ ‘ಬಾಬಾ ಬುದ್ಧೇಶ್ವರ ಧಾಮ್’ ದೇವಸ್ಥಾನಕ್ಕೆ ಭೇಟಿ ನೀಡುತ್ತಿದೆ ಎಂದು ಹೇಳಿದ್ದಾರೆ. ಇದರಿಂದ ಸುಳಿವು ಪಡೆದು, ನಾವು ಈ ದೇವಾಲಯದ ಸ್ಥಳವನ್ನು ಹುಡುಕಿದೆವು ಮತ್ತು ಅದು ಉತ್ತರ ಪ್ರದೇಶದ ಲಕ್ನೋದಲ್ಲಿದೆ ಎಂದು ಕಂಡುಬಂದಿದೆ. ವೈರಲ್ ಆಗಿರುವ ವಿಡಿಯೋದಲ್ಲಿರುವ ದೇವಸ್ಥಾನದ ದೃಶ್ಯಗಳು ಕೂಡ ಇದನ್ನೇ ದೃಢಪಡಿಸುತ್ತವೆ. ಅವುಗಳನ್ನು ಇಲ್ಲಿ ಮತ್ತು ಇಲ್ಲಿ ಕಾಣಬಹುದು.
ಇದಲ್ಲದೆ, ಡಿಸೆಂಬರ್ 2022 ರಲ್ಲಿ, ನವಭಾರತ್ ಟೈಮ್ಸ್‌ಗೆ ನೀಡಿದ ಸಂದರ್ಶನದಲ್ಲಿ, ದೇವಾಲಯದ ಅರ್ಚಕರು ಮತ್ತು ಭಕ್ತರು ಕಳೆದ 2 ತಿಂಗಳುಗಳಿಂದ ನಿಯಮಿತವಾಗಿ ದೇವಾಲಯಕ್ಕೆ ಭೇಟಿ ನೀಡುತ್ತಿದೆ ಎಂದು ಹೇಳಿದರು. ಅದು ಮೊದಲು ಪರಶುರಾಮನ ವಿಗ್ರಹಕ್ಕೆ ಮತ್ತು ನಂತರ ಬುದ್ಧೇಶ್ವರ ಮಹಾದೇವನಿಗೆ (ಶಿವನ ದ್ಯೋತಕ) ನಮಸ್ಕರಿಸುತ್ತದೆ. ಕೋತಿಯ ಈ ಕೃತ್ಯವು ಸ್ವಯಂಪ್ರೇರಿತವೇ ಅಥವಾ ಬೇರೆಯೇ ಎಂಬುದನ್ನು ನಾವು ಸ್ವತಂತ್ರವಾಗಿ ಪರಿಶೀಲಿಸಲು ಸಾಧ್ಯವಾಗದಿದ್ದರೂ, ಈ ಘಟನೆಯು ಲಕ್ನೋದಲ್ಲಿ ನಡೆದಿದೆಯೇ ಹೊರತು ಅಯೋಧ್ಯೆಯಲ್ಲಿ ಅಲ್ಲ ಎಂಬುದು ಸ್ಪಷ್ಟವಾಗಿದೆ.
ಒಟ್ಟಾರೆಯಾಗಿ ಹೇಳುವುದಾದರೆ, ದರ್ಶನಕ್ಕಾಗಿ ಕೋತಿಯೊಂದು ದೇವಸ್ಥಾನಕ್ಕೆ ಭೇಟಿ ನೀಡಿದ ವೀಡಿಯೊ ಲಕ್ನೋದಿಂದ ಬಂದಿದೆ, ಅಯೋಧ್ಯೆಯಲ್ಲ.
