ಸ್ಮೃತಿ ಇರಾನಿ ಅವರ ಪುತ್ರಿ ಜೋಯಿಶ್ ಇರಾನಿ ಅವರು ನಡೆಸುತ್ತಿರುವ ಗೋವಾದ ರೆಸ್ಟೊರೆಂಟ್ ‘ಸಿಲ್ಲಿ ಸೌಲ್ಸ್ ಗೋವಾ ಕೆಫೆ & ಬಾರ್’ನ ಮೆನು ಕಾರ್ಡ್ ಎಂದು ಹೇಳಿಕೊಳ್ಳುವ ಫೋಟೋವನ್ನು ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗುತ್ತಿದೆ. ಪೋಸ್ಟ್ನಲ್ಲಿ, ಮೆನು ಕಾರ್ಡ್‌ನಲ್ಲಿ ರೆಸ್ಟೋರೆಂಟ್‌ನಲ್ಲಿ ಗೋಮಾಂಸವನ್ನು ನೀಡಲಾಗುತ್ತದೆ ಎಂದು ತೋರಿಸಲಾಗಿದೆ. ಪೋಸ್ಟ್ನಲ್ಲಿ ಮಾಡಲಾದ ಪ್ರತಿಪಾದನೆಯನ್ನು ಪರಿಶೀಲಿಸೋಣ.
ಪ್ರತಿಪಾದನೆ : ಜೋಯಿಶ್ ಇರಾನಿ ಅವರು ನಡೆಸುತ್ತಿದ್ದಾರೆ ಎನ್ನಲಾದ ‘ಸಿಲ್ಲಿ ಸೌಲ್ಸ್ ಗೋವಾ ಕೆಫೆ & ಬಾರ್’ ಮೆನು ಕಾರ್ಡ್, ರೆಸ್ಟೋರೆಂಟ್‌ನಲ್ಲಿ ನೀಡಲಾದ ಐಟಂಗಳಲ್ಲಿ ಗೋಮಾಂಸವನ್ನು ತೋರಿಸುತ್ತದೆ.
ನಿಜಾಂಶ : ಪೋಸ್ಟ್‌ನಲ್ಲಿರುವ ಮೆನು ಕಾರ್ಡ್ ‘ಸಿಲ್ಲಿ ಸೌಲ್ಸ್ ಗೋವಾ ಕೆಫೆ & ಬಾರ್ (ಗೋವಾ)’ ಗೆ ಸಂಬಂಧಿಸಿಲ್ಲ. ಇದು ‘ಅಪ್ಪರ್ ಡೆಕ್ – ರಾಡಿಸನ್ ಬ್ಲೂ ರೆಸಾರ್ಟ್ (ಗೋವಾ)’ ಮೆನುವಾಗಿದೆ. ಆದ್ದರಿಂದ ಪೋಸ್ಟ್ನಲ್ಲಿ ಮಾಡಿದ ಪ್ರತಿಪಾದನೆ ತಪ್ಪಾಗಿದೆ.
ಫೋಟೋವನ್ನು ಗೂಗಲ್ ಲೆನ್ಸ್ ಮೂಲಕ ಸರ್ಚ್ ಮಾಡಿದಾಗ ಇದೇ ರೀತಿಯ ಫೋಟೋ ಕಂಡುಬಂದಿದೆ. ಅದೇ ಮೆನುವನ್ನು (ಅದೇ ಐಟಂಗಳು ಮತ್ತು ವಿವರಣೆಯೊಂದಿಗೆ) ‘ಈಜಿಡಿನರ್’ ವೆಬ್‌ಸೈಟ್‌ನಲ್ಲಿ ‘ಮೆನು ಆಫ್ ದಿ ಅಪ್ಪರ್ ಡೆಕ್, ರಾಡಿಸನ್ ಬ್ಲೂ ರೆಸಾರ್ಟ್, ಗೋವಾ’ ಎಂದು ನೋಡಬಹುದು. ಅದೇ ರೆಸ್ಟೋರೆಂಟ್‌ನ ಇದೇ ರೀತಿಯ ಮೆನುವನ್ನು Zomato ವೆಬ್‌ಸೈಟ್‌ನಲ್ಲಿಯೂ ಕಾಣಬಹುದು. ಆದ್ದರಿಂದ, ಪೋಸ್ಟ್ ಮಾಡಿದ ಫೋಟೋ ಮತ್ತು ‘ಅಪ್ಪರ್ ಡೆಕ್ – ರಾಡಿಸನ್ ಬ್ಲೂ ರೆಸಾರ್ಟ್ (ಗೋವಾ)’ ಮೆನು ಒಂದೇ ರೀತಿ ಇದೆ, ಆದರೆ ‘ಸಿಲ್ಲಿ ಸೋಲ್ಸ್ ಗೋವಾ ಕೆಫೆ & ಬಾರ್ (ಗೋವಾ)’ ನ ಮೆನು ಅಲ್ಲ.
ವಿವಿಧ ವೆಬ್‌ಸೈಟ್‌ಗಳಲ್ಲಿ ಲಭ್ಯವಿರುವ ‘ಸಿಲ್ಲಿ ಸೌಲ್ಸ್ ಗೋವಾ ಕೆಫೆ ಮತ್ತು ಬಾರ್ (ಗೋವಾ)’ ಮೆನುವನ್ನು ನೋಡಿದಾಗ, ಕೋಳಿ, ಹಂದಿ, ಮೀನು, ಸೀಗಡಿಗಳು ಮತ್ತು ಕುರಿ ಮಾಂಸಗಳ ಉಲ್ಲೇಖವನ್ನು ಮಾತ್ರ ಕಾಣಬಹುದು. ‘ಪೆಪ್ಪೆರೋನಿ’ ಉಲ್ಲೇಖವನ್ನು ಸಹ ಕಂಡುಬಂದಿದೆ, ಆದರೆ ಅದರ ಪದಾರ್ಥಗಳ ಬಗ್ಗೆ ನಮಗೆ ಖಚಿತ ಮಾಹಿತಿ ಇಲ್ಲ . ಆದ್ದರಿಂದ, ಮೆನುವಿನಲ್ಲಿ ಎಲ್ಲಿಯೂ ಗೋಮಾಂಸದ ಬಗ್ಗೆ ಸ್ಪಷ್ಟವಾದ ಉಲ್ಲೇಖವಿಲ್ಲ. ರೆಸ್ಟೋರೆಂಟ್‌ನಲ್ಲಿ ಗೋಮಾಂಸವನ್ನು ನೀಡಲಾಗುತ್ತದೆಯೇ ಅಥವಾ ಇಲ್ಲವೇ ಎಂಬುದನ್ನು ಖಚಿತಪಡಿಸಲು ಸಾಧ್ಯವಾಗದಿದ್ದರೂ, ಪೋಸ್ಟ್ ಮಾಡಿದ ಫೋಟೋದಲ್ಲಿನ ಮೆನು ಖಂಡಿತವಾಗಿಯೂ ‘ಸಿಲ್ಲಿ ಸೌಲ್ಸ್ ಗೋವಾ ಕೆಫೆ ಮತ್ತು ಬಾರ್ (ಗೋವಾ)’ ಗೆ ಸಂಬಂಧಿಸಿಲ್ಲ.
ಒಟ್ಟಾರೆಯಾಗಿ ಹೇಳುವುದಾದರೆ, ಪೋಸ್ಟ್ ಮಾಡಲಾದ ಫೋಟೋದಲ್ಲಿರುವ ‘ಬೀಫ್’ ಮೆನು ‘ಅಪ್ಪರ್ ಡೆಕ್ – ರಾಡಿಸನ್ ಬ್ಲೂ ರೆಸಾರ್ಟ್ (ಗೋವಾ)’ ಗೆ ಸಂಬಂಧಿಸಿದೆ, ‘ಸಿಲ್ಲಿ ಸೋಲ್ಸ್ ಗೋವಾ ಕೆಫೆ & ಬಾರ್ (ಗೋವಾ)’ ಅಲ್ಲ. ಹಾಗಾಗಿ ಪೋಸ್ಟ್ನಲ್ಲಿ ಮಾಡಲಾದ ಪ್ರತಿಪಾದನೆ ತಪ್ಪಾಗಿದೆ.
