న్యూజిలాండ్ ప్రధానమంత్రి జసిండా ఆర్డర్న్ శ్రీకృష్ణుని గురించి, భగవద్గీత గురించి ఎంత చక్కటి అవగాహనతో చెప్పారో చుడండి అంటూ పోస్ట్ చేసిన ఒక వీడియో సోషల్ మీడియాలో వైరల్ అవుతోంది.ఆ వీడియోలో ఎంత వరకు నిజముందో చూద్దాం.
క్లెయిమ్: న్యూజిలాండ్ ప్రధానమంత్రి జసిండా ఆర్డర్న్ శ్రీకృష్ణుని గురించి, భగవద్గీత గురించి సందేశమిస్తున్న వీడియో.
ఫాక్ట్ (నిజం): వీడియోలో మాట్లాడుతున్న వ్యక్తి న్యూజిలాండ్ ప్రధానమంత్రి జసిండా ఆర్డర్న్ కాదు, అమెరికన్ కాంగ్రెస్ సభ్యురాలు తులసి గబ్బార్డ్. జన్మాష్టమి సందర్బంగా శ్రీకృష్ణుని గురించి, భగవద్గీత గురించి సందేశమిస్తు తాను ఈ వీడియో పోస్ట్ చేసింది. కావున, పోస్టులో చేస్తున్న క్లెయిమ్ తప్పు.
పోస్టులో షేర్ చేసిన ఈ వీడియో యొక్క స్క్రీన్ షాట్లని రివర్స్ ఇమేజ్ సెర్చ్ చేయగా, అమెరికా కాంగ్రెస్ సభ్యురాలు తులసి గబ్బార్డ్ యూట్యూబ్ ఛానెల్లో ఈ వీడియో దొరికింది. జన్మాష్టమి సందర్బంగా తులసి శ్రీకృష్ణుని గురించి, భగవద్గీత గురించి సందేశమిస్తు ఈ వీడియో పోస్ట్ చేసింది.
ఇదే వీడియోని తులసి గబ్బార్డ్ తన అధికారిక ట్విట్టర్, ఫేస్బుక్, ఇంస్టాగ్రామ్ అకౌంట్లో పోస్ట్ చేసింది. అవి ఇక్కడ, ఇక్కడ మరియు ఇక్కడ చూడవచ్చు. ఈ వీడియో గురించి తెలుపుతూ రాసిన ఆర్టికల్స్ ను ఇక్కడ మరియు ఇక్కడ చూడవచ్చు.
జన్మాష్టమి సందర్బంగా న్యూజిలాండ్ ప్రధానమంత్రి జసిండా ఆర్డర్న్ ఏదైనా వీడియో పోస్ట్ చేసారా అని వెతకగా, అలాంటి ఏ వీడియో మాకు లభించలేదు.
చివరగా, అమెరికా కాంగ్రెస్ సభ్యురాలు తులసి గబ్బార్డ్ పోస్ట్ చేసిన వీడియోని చూపిస్తూ న్యూజిలాండ్ ప్రధానమంత్రి జసిండా ఆర్డర్న్ శ్రీకృష్ణుని గురించి, భగవద్గీత గురించి సందేశమిస్తున్నట్టు షేర్ చేస్తున్నారు.
Did you watch our new video?
