Fake News, Telugu
 

ఆ వీడియో తిరుపతి గుడిది కాదు, న్యూయార్క్ లోని శ్రీరంగనాథ స్వామి దేవాలయం గోపురం

1

ఒక గుడి పై భాగంలో ఉన్న బంగారు గోపురానికి సంబంధించిన  వీడియో ని ఫేస్బుక్ లో పోస్టు చేసి “మనం చూడని చూడలేని , తిరుపతి లోని ఏడుకొండల స్వామి బంగారు గోపురం పైభాగం” అంటూ చాలా మంది ఆరోపిస్తున్నారు. ఆ ఆరోపణలో ఎంతవరకు నిజముందో విశ్లేషిద్ధాం.

ఆ పోస్ట్ యొక్క ఆర్కైవ్డ్ వెర్షన్ ఇక్కడ చూడవచ్చు.

క్లెయిమ్ : తిరుపతి గుడి పై భాగంలో ఉన్న బంగారు గోపురం వీడియో .

ఫాక్ట్ (నిజం): వీడియోలో కనిపించేది న్యూయార్క్ లోని శ్రీ రంగనాథ స్వామి దేవాలయం పైభాగంలో ఉన్న బంగారు గోపురం. కావున పోస్ట్ లో చెప్పింది తప్పు.  

పోస్టులో పెట్టిన వీడియోలో బంగారు గోపురాన్ని చూపిస్తూ కొంతమంది వ్యక్తులు స్తోత్రాలు చదవడం వినవచ్చు. ఒక అతను -0:27 నిడివి దగ్గర ‘శ్రీ రంగంలో శ్రీ రంగనాథ స్వామి యొక్క దివ్య గోపుర దర్శనం’ అని అంటాడు. ఆ సమాచారంతో యూట్యూబ్ లో ఆంగ్లంలో మరియు తమిళంలో కీవర్డ్స్ తో వెతికినప్పుడు, చాలా సెర్చ్ రిజల్ట్స్ వచ్చాయి. వాటిలో, అదే వీడియోతో ఉన్న రిజల్ట్స్, ఆ వీడియో శ్రీ రంగంలోని శ్రీ రంగనాథ స్వామి దేవాలయం యొక్క బంగారు గోపురముదని తెలిపాయి. కానీ, సెర్చ్ రిజల్ట్స్ లో వచ్చిన ఒక వీడియో యొక్క కామెంట్స్ సెక్షన్ లో మాత్రం ఒక వ్యక్తి, చాలా మంది ఆ వీడియోలో ఉన్నది శ్రీరంగంలో ఉన్న శ్రీ రంగనాథ స్వామి దేవాలయం అని పొరబడ్తున్నారనీ, కానీ వాస్తవానికి అది న్యూయార్క్ లో ఉన్న శ్రీరంగనాథ స్వామి దేవాలయం అని పేర్కొన్నాడు. ఆ సమాచారంతో న్యూయార్క్ లోని దేవాలయం యొక్క గూగుల్ ఫొటోలు వెతికినప్పుడు, ఆ గుడి గోపురానికి సంబంధించిన ఫోటో ఒకటి లభించింది. ఆ ఫోటోనీ మరియు వీడియోలో -0:49 నిడివి దగ్గర కనిపించే ఫ్రేమ్ ని పోల్చినప్పుడు, ఆ రెండు కూడా ఒకేలా ఉన్నట్లుగా తెలుస్తోంది. అంతే కాదు, వీడియోలో కనిపించే పరిసరాలను, న్యూయార్క్ శ్రీరంగనాథ స్వామి దేవాలయం యొక్క సాటిలైట్ ఇమేజ్ లో కూడా చూడవచ్చు.  

ఆ వీడియో లో ఉన్నది శ్రీరంగంలోని  శ్రీరంగనాథ స్వామి దేవాలయం కాదు, ఎందుకంటే శ్రీరంగంలో ఉన్న దేవాలయం ఫోటో ని మరియు వీడియోలో -0:09 నిడివి దగ్గర కనిపించే దేవాలయం గోపురం ఫ్రేమ్ ని పోల్చినప్పుడు, ఆ రెండింటిలో చాలా తేడాలు కనిపించాయి. ఆ తేడాలను క్రింది కొలేజ్ లో కూడా చూడవచ్చు.

చివరగా, ఆ వీడియో తిరుపతి గుడి కి సంబంధించినది కాదు. అందులో కనిపించేది న్యూయార్క్  లోని శ్రీ రంగనాథ స్వామి దేవాలయం యొక్క బంగారు గోపురం.

ఏది ఫేక్, ఏది నిజం సిరీస్ లో మా వీడియోస్ మీరు చూసారా?

Share.
scroll