“భూమి చిట్టచివర ప్రదేశం కనుగొన్నారు” అంటూ రెండు వీడియో క్లిప్‌లతో కూడిన ఓ వీడియో సోషల్ మీడియాలో వైరల్ అవుతోంది (ఇక్కడ & ఇక్కడ). ఈ కథనం ద్వారా అందులో ఎంత నిజముందో చూద్దాం.
క్లెయిమ్: భూమి చిట్టచివరి ప్రదేశం యొక్క దృశ్యాలు.
ఫాక్ట్(నిజం): ఈ వైరల్ వీడియో నిజమైన దృశ్యాలను చూపించడం లేదు. ఈ వైరల్ వీడియో ఆర్టిఫిషియల్ ఇంటెలిజెన్స్ (AI) ఉపయోగించి రూపొందించబడింది. ఈ వైరల్ వీడియోలోని దృశ్యాలు AI ద్వారా రూపొందించబడిందని Hive, గూగుల్ వారి SynthID వంటి పలు AI-జనరేటెడ్ కంటెంట్ డిటెక్టింగ్ టూల్స్ నిర్థారించాయి. అంతేకాకుండా, భూమి యొక్క చిట్టచివరి ప్రదేశం కనుగొన్నట్లు కూడా ఎటువంటి విశ్వసనీయ రిపోర్ట్స్ లేవు. కావున పోస్టు ద్వారా చెప్పేది తప్పు.
ముందుగా, వైరల్ పోస్టులో పేర్కొన్నట్లుగా భూమి యొక్క చిట్టచివరి ప్రదేశం కనుగొన్నారా? అని తెలుసుకోవడానికి తగిన కీవర్డ్స్ ఉపయోగించి ఇంటర్నెట్‌లో వెతకగా, భూమి చిట్టచివరి ప్రదేశం కనుగొన్నట్లు ఎటువంటి విశ్వసనీయ రిపోర్ట్స్ లభించలేదు.
తదుపరి ఈ వైరల్ వీడియోకు సంబంధించిన వివరాల కోసం, వైరల్ వీడియోలోని మొదటి క్లిప్ యొక్క స్క్రీన్‌షాట్‌లను గూగుల్‌లో రివర్స్ ఇమేజ్ సెర్చ్ చేయగా, ఇదే వీడియోను 10 ఆగస్ట్ 2025న ‘gen3rative’ అనే ఇన్‌స్టాగ్రామ్ పేజీ షేర్ చేసినట్లు మేము కనుగొన్నాము. ఈ వీడియో వివరణలో, ఈ వీడియోను ఆర్టిఫిషియల్ ఇంటెలిజెన్స్ (AI) ఉపయోగించి రూపొందించినట్లు పేర్కొన్నారు. అలాగే, ఇన్‌స్టాగ్రామ్ పేజీలో AI ద్వారా రూపొందించిన పలు ఇతర వీడియోలను ఇక్కడ చూడవచ్చు.
అలాగే, ఈ వైరల్ వీడియోను జాగ్రతగా పరిశీలిస్తే, ఈ వీడియో అసహజంగా ఉండటం కూడా మనం చూడవచ్చు. ఆర్టిఫిషియల్ ఇంటెలిజెన్స్ (AI) ఉపయోగించి సృష్టించబడిన దృశ్యాలలో ఇటువంటి లోపాలు సహజంగానే ఉంటాయి (ఇక్కడ, ఇక్కడ). దీన్ని బట్టి ఈ వైరల్ వీడియో ఆర్టిఫిషియల్ ఇంటెలిజెన్స్ (AI) ద్వారా సృష్టించి ఉండవచ్చని తెలుస్తోంది.
తదుపరి, ఈ వైరల్ వీడియోలోని మొదటి క్లిప్ AI- ఉపయోగించి తయారు చేసిందా? లేదా? అని నిర్ధారించడానికి, Hive వంటి పలు AI-జనరేటెడ్ కంటెంట్ డిటెక్టింగ్ టూల్స్ ఉపయోగించి ఈ వీడియో క్లిప్‌ను పరిశీలించగా, ఈ వీడియో క్లిప్ 99.8% AI- జనరేటెడ్ కావచ్చని Hive ఫలితాన్ని ఇచ్చింది.
అలాగే, గూగుల్ AI మోడల్స్ ఉపయోగించి రూపొందించబడిన దృశ్యాలను గుర్తించే గూగుల్ వారి ‘సింథ్ ID (synth ID)’ టూల్ ఉపయోగించి ఈ వైరల్ వీడియోలోని మొదటి క్లిప్ పరిశీలించగా, ఈ వీడియో క్లిప్‌లోని ఆడియో, వీడియోను గూగుల్ AI ని ఉపయోగించి సృష్టించబడిందని నిర్ధారించింది.
తదుపరి, ఈ వైరల్ వీడియోలోని రెండవ క్లిప్ కూడా AI- ఉపయోగించి తయారు చేసిందా? లేదా? అని నిర్ధారించడానికి, Hive వంటి పలు AI-జనరేటెడ్ కంటెంట్ డిటెక్టింగ్ టూల్స్ ఉపయోగించి ఈ వీడియో క్లిప్‌ను పరిశీలించగా, ఈ వీడియో క్లిప్ 87.3% AI- జనరేటెడ్ కావచ్చని Hive ఫలితాన్ని ఇచ్చింది.
అలాగే గూగుల్ వారి ‘సింథ్ ID (synth ID)’ టూల్ ఉపయోగించి పరిశీలించగా, ఈ వీడియో క్లిప్‌లోని ఆడియోను గూగుల్ AI ని ఉపయోగించి సృష్టించబడిందని నిర్ధారించింది. దీన్ని బట్టి ఈ వైరల్ వీడియోలోని దృశ్యాలు AI ద్వారా రూపొందించబడిందని మనం నిర్ధారించవచ్చు.
చివరగా, భూమి యొక్క చిట్టచివరి ప్రదేశం కనుగొన్నారు అంటూ షేర్ చేస్తున్న ఈ వీడియో AI ద్వారా రూపొందించింది.
