Coronavirus, Coronavirus Telugu, Fake News, Telugu
 

సంబంధం లేని పాత వీడియో పెట్టి, ‘కొరోనా వైరస్’ కి సంబంధించిన వీడియో అంటూ తప్పుగా షేర్ చేస్తున్నారు

0

తాజాగా చైనా మరియు ఇతర దేశాల్లో వ్యాప్తిస్తున్న కొరోనా వైరస్ [దాని పేరు ‘2019-nCoV’ (కొరోనా వైరస్ లో ఒక రకం)] కి సంబంధించిన వీడియో అని చెప్తూ ఒక వీడియోని సోషల్ మీడియాలో చాలా మంది షేర్ చేస్తున్నారు. ఆ పోస్ట్ లో ఎంతవరకు నిజముందో విశ్లేషిద్ధాం.

ఆ పోస్ట్ యొక్క ఆర్కైవ్డ్ వెర్షన్ ఇక్కడ చూడవచ్చు

క్లెయిమ్: తాజాగా వ్యాపిస్తున్న కొరోనా వైరస్ వ్యాధికి సంబంధించిన వీడియో. 

ఫాక్ట్ (నిజం): పోస్టులోని వీడియో నవంబర్-2019 నుండి ఇంటర్నెట్ లో ఉంది. కానీ, మొదటిగా కొరోనా వైరస్ (‘2019-nCoV’) వ్యాధి డిసెంబర్-2019 చివరి వారం లో రిపోర్ట్ అయ్యింది. కావున పోస్ట్ లో చెప్పింది తప్పు.

పోస్టులోని వీడియో యొక్క స్క్రీన్ షాట్స్ ని యాన్డెక్స్ రివర్స్ ఇమేజ్ సెర్చ్ లో వెతకగా, అదే వీడియో యూట్యూబ్ లో ఉంటుంది. ఆ వీడియోని నవంబర్-2019 లోనే ‘Guy Has Huge Botfly Larvae Removed from His Lip’ అనే టైటిల్ తో అప్లోడ్ చేసినట్టు చూడవొచ్చు. కానీ, మొదటిగా కొరోనా వైరస్ (‘2019-nCoV’) వ్యాధి డిసెంబర్-2019 చివరి వారం లో రిపోర్ట్ అయినట్టు తెలుస్తుంది. కావున, పోస్టులోని వీడియో ‘2019-nCoV’ వైరస్ కి సంబంధించింది కాదు.

కొరోనా వైరస్ (‘2019-nCoV’) మరియు దాని వ్యాప్తి గురించి మరింత సమాచారం కొరకు అల్ జజీరా వార్తాసంస్థ వారి ఆర్టికల్ చదవొచ్చు.

అంతేకాదు, పోస్టులో చెప్పినట్టు కొన్ని రోజుల వరకు ప్రీసర్వ్డ్ డైరీ ప్రొడక్ట్స్ తినకూడదని ప్రముఖ ఆరోగ్య ఏజెన్సీలు ఏవీ కూడా చెప్పలేదు. ‘2019-nCoV’ వైరస్ వ్యాప్తికి సంబంధించి, ప్రపంచ ఆరోగ్య సంస్థ (WHO) వారు సామాన్య ప్రజల కొరకు చెప్పిన జాగ్రత్తలను కింద చూడవొచ్చు

‘2019-nCoV’ వైరస్ పై ప్రజలకు ఉన్న ప్రశ్నలకు సమాధానం ఇస్తూ, ‘Centers for Disease Control and Prevention (CDC)’ వారు రిలీజ్ చేసిన ఫాక్ట్-షీట్ ని ఇక్కడ చదవొచ్చు.

ప్రపంచ ఆరోగ్య సంస్థ (WHO) వారి ప్రకారం, 26 జనవరి 2020 నాటికి, మొత్తం 2,014 ఖచ్చితమైన ‘2019-nCoV’ వైరస్ వ్యాధి కేసులు ప్రపంచవ్యాప్తంగా నమోదయ్యాయి.

చివరగా, సంబంధం లేని పాత వీడియో పెట్టి, ‘కొరోనా వైరస్’ కి సంబంధించిన వీడియో అంటూ తప్పుగా షేర్ చేస్తున్నారు.

ఏది ఫేక్, ఏది నిజం సిరీస్ లో మా వీడియోస్ మీరు చూసారా?

Share.

Comments are closed.

scroll