బీహార్ రాష్ట్రానికి సంబంధించిన ఫోటో పెట్టి, తెలంగాణ రాష్ట్రంలోని రోడ్లు అని తప్పుగా ప్రచారం చేస్తున్నారు

రోడ్డు పై నీటితో నిండిన గుంతల ఫోటో ఒకటి ఫేస్బుక్ లో పోస్టు చేసి, అది తెలంగాణ రాష్ట్రం లోని ఒక రోడ్డుకి సంబంధించినదని చాలా మంది షేర్ చేస్తున్నారు. అది ఎంతవరకు వాస్తవమో పరిశీలిద్దాం.

క్లెయిమ్ : ఫోటో తెలంగాణ రాష్ట్రం లోని ఒక రోడ్డు కి సంబంధించినదని. 

ఫాక్ట్ (నిజం): ఫోటో బీహార్ రాష్ట్రం లోని ‘భాఘల్పూర్- పిర్ పైంటి’ ప్రాంతాల మధ్య ఉన్న NH-80 రోడ్డుది. కావున, పోస్టులో చెప్పింది తప్పు.    

పోస్టులో ఉన్న ఫోటోని గూగుల్ రివర్స్ ఇమేజ్ సెర్చ్ చేసినప్పుడు, అందుకు సంబంధించిన చాలా సెర్చ్ రిజల్ట్స్ వచ్చాయి. ఒక సెర్చ్ రెజల్ట్ లో ఒక ట్విట్టర్ వినియోగదారుడు ‘భాఘల్పూర్- పిర్ పైంటి’ ప్రాంతాల మధ్య ఉన్న NH80 రోడ్డు ఫోటోలు అంటూ ట్వీట్ లో ఆ ఫోటోని పెట్టాడు.

అదే ఫోటో ని ‘Times of India’ వార్తా సంస్థ భాఘల్పూర్ ప్రాంతంలో ఉన్న రోడ్ల దుఃస్థితిని వివరిస్తూ 2017 లో రాసిన కథనం లో కూడా చూడవచ్చు.

చివరగా, ఆ ఫోటో తెలంగాణ రాష్ట్రంలోని రోడ్డుకి సంబంధించినది కాదు. అందులో ఉన్నది బీహార్ రాష్ట్రం లోని భాఘల్పూర్ ప్రాంతంలోని ఒక రోడ్డు.

ఏది ఫేక్, ఏది నిజం సిరీస్ లో మా వీడియోస్ మీరు చూసారా?