AI ద్వారా జనరేట్ చేసిన ఇమేజ్ టర్కీ దేశ ప్రత్యేకమైన 'యోగి పుష్పం' అని షేర్ చేస్తున్నారు

ఒక ఫొటోతో ఉన్న పోస్ట్ సోషల్ మీడియాలో (ఇక్కడ, ఇక్కడ, మరియు ఇక్కడ) చాలా వైరల్ అవుతోంది. ఈ పోస్ట్ ప్రకారం, ఈ ఫోటో టర్కీలో పద్మాసనం ఆకారంలో సహజంగా పెరిగిన పువ్వులను చూపిస్తోంది. ఈ అరుదైన “యోగి పువ్వు” ఉర్ఫా ప్రావిన్స్‌కు సమీపంగా ఉన్న హాల్ఫెటి గ్రామంలో మాత్రమే పెరుగుతాయని పోస్ట్ పేర్కొంది. ఈ పువ్వులు, నేల యొక్క ప్రత్యేక లక్షణాలు మరియు ఆంథోసైనిన్ వర్ణద్రవ్యాల కారణంగా pH లెవెల్ సెన్సిటివ్ ఉంటాయి. వేసవిలో నల్లగా మరియు ఇతర సీజన్లలో ఎరుపు రంగులో కనిపిస్తాయని కూడా ఈ పోస్టులో పేర్కొన్నారు. ఈ కథనంలో వాస్తవం ఎంత ఉన్నది అనే విషయం తెలుసుకుందాం.

పోస్ట్ యొక్క ఆర్కైవ్ వెర్షన్ ఇక్కడ చూడవచ్చు.

క్లెయిమ్: ఈ ఫోటో టర్కీలో దొరికే సహజ యోగి పూలను చూపిస్తుంది, అవి ప్రతి సీజన్‌ లో వారి రంగును మార్చుకుంటాయి.
ఫాక్ట్(నిజం): వైరల్ ఫోటో AI ద్వారా జనరేట్ చేయబడింది. టర్కీలో “యోగి పుష్పం” అనే పేరుతో ఏ పువ్వు లేదు. టర్కీలోని హాల్ఫెటీలో, “కారా గుల్” అని పిలవబడే గులాబీలు లోతైన వైన్-ఎరుపు రంగులో వికసిస్తాయి, వేసవిలో మొగ్గలుగా నల్లగా కనిపిస్తాయి. వాటికి నిర్దిష్ట pH లెవెల్ అవసరమవుతాయి కాబట్టి వేసవిలో నల్లగా మారుతాయి, ఇతర సీజన్లలో షేడ్స్ మారుతాయి. స్థానికులు ఈ గులాబీలను పండించి, పర్యాటకులకు అమ్ముతారు. టర్కీలో ‘యోగి పుష్పం’ అని పిలువబడే పద్మాసనం ఆకారంలో పెరిగిన పూల గురించి ఎటువంటి ఆధారాలు లేవు. కాబట్టి, పోస్ట్‌లో చేసిన దావా తప్పు.

మేము ఈ ఫోటో AI ద్వారా జనరేట్ చేయబడింది అని అనుమానించాము. తదుపరి, దానిని హైవ్ AI డిటెక్టర్ ద్వారా పరీక్షించాము. ఆ టూల్, ఇది AI ద్వారా జనరేట్ చేయబడింది అని 99.9% అవకాశంతో నిర్ధారించింది.

మేము మరొక AI డిటెక్టర్ టూల్ హగ్గింగ్ ఫేస్ నీ ఉపయోగించాము, ఆ టూల్ ప్రకారం, ఇది AI ద్వారా జనరేట్ చేయబడింది అని 87% అవకాశంతో నిర్ధారించింది.

ఇకపోతే , టర్కీలోని హాల్ఫెటీలో ‘యోగి ఫ్లవర్’ అనే పేరుతో పుష్పం వికసిస్తుందని నిర్ధారించడానికి మాకు ఎటువంటి ఆధారాలు దొరకలేదు. అయితే, హాల్ఫెటీ యొక్క గులాబీలు లోతైన వైన్-రంగు ఎరుపు రంగులో వికసిస్తాయి కానీ మొగ్గలు నల్లగా కనిపిస్తాయి. టర్కిష్‌లో కారా గుల్ అని పిలువబడే ఈ గులాబీలు ప్రత్యేకమైనవి మరియు గత దశాబ్దంలో ప్రత్యేక ఖ్యాతిని పొందాయి (ఇక్కడ , ఇక్కడ , మరియు ఇక్కడ). ఈ పూలకు ఒక నిర్దిష్ట pH లెవెల్ అవసరమవుతాయి కాబట్టి వేసవి పెరుగుతున్న కొద్దీ నల్లగా మారుతాయి. స్థానికులు వాటిని సాగు చేసి పర్యాటకులకు అమ్ముతారు.