బీహార్ లో యోగి ఆదిత్యనాథ్ ఎన్నికల సభకి వచ్చిన జన సమూహం, అంటూ షేర్ చేస్తున్న ఒక ఫోటో సోషల్ మీడియాలో వైరల్ అవుతోంది. బీహార్ రాష్ట్రంలో అసెంబ్లీ ఎన్నికలు జరుగనున్న నేపథ్యంలో ఈ పోస్ట్ సోషల్ మీడియాలో వైరల్ అవుతుంది. ఆ పోస్టులో ఎంతవరకు నిజముందో చూద్దాం.
![](https://factly.in/wp-content/uploads//2020/10/Yogi-Adityanath-Public-meeting-at-BiharTelugu-Claim.jpg)
క్లెయిమ్: బీహార్ లో 2020 ఎన్నికలలో యోగి ఆదిత్యనాథ్ సభకి వచ్చిన జన సమూహం.
ఫాక్ట్ (నిజం): పోస్టులో షేర్ చేసిన ఈ ఫోటో ప్రధాన మంత్రి నరేంద్ర మోదీ 2014 లోక్ సభ ఎన్నికల సందర్బంగా కోలకతా నగరంలో నిర్వహించిన ‘Jan Chetan Sabha’ కు సంబంధించినది. ఈ ఫోటోకి బీహార్ లో జరుగనున్న ఎన్నికలకి ఎటువంటి సంబంధం లేదు. కావున, పోస్టులో చేస్తున్న ఈ క్లెయిమ్ తప్పు.
పోస్టులో షేర్ చేసిన ఈ ఫోటోని రివర్స్ ఇమేజ్ సెర్చ్ చేసి వెతకగా, ఇదే ఫోటోని షేర్ చేస్తూ సోషల్ మీడియాలో పెట్టిన పాత పోస్టులు దొరికాయి. అవి ఇక్కడ, ఇక్కడ మరియు ఇక్కడ చూడవచ్చు. ఈ ఫోటో నరేంద్ర మోదీ 2014లో నిర్వహించిన ‘Jan Chetan Sabha’ కు సంబంధించిందని అందులో తెలిపారు.
![](https://factly.in/wp-content/uploads//2020/10/Yogi-Adityanath-Public-meeting-at-Bihar-Image1-1.jpg)
ఈ వివరాల ఆధారంగా పోస్టులోని ఈ ఫోటోకి సంబంధించిన మరింత సమాచారం కోసం వెతకగా, ఇదే ఫోటోని షేర్ చేస్తూ ‘Desh Gujarat’ న్యూస్ వెబ్ సైట్ ‘05 ఫిబ్రవరి 2020’ నాడు పబ్లిష్ చేసిన ఆర్టికల్ దొరికింది. ఈ ఫోటో ప్రధాన మంత్రి నరేంద్ర మోదీ 2014 లోక్ సభ ఎన్నికల సందర్బంగా కోలకతా నగరంలో నిర్వహించిన ‘Jan Chetan Sabha’ కు సంబంధించినదని ఈ ఆర్టికల్ లో తెలిపారు. నరేంద్ర మోదీ నిర్వహించిన ఈ సభకు సంబంధించిన పూర్తి వివరాలు తెలుపుతూ ‘India Today’ న్యూస్ వెబ్ సైట్ పబ్లిష్ చేసిన ఆర్టికల్ ఇక్కడ చూడవచ్చు. ఈ వివరాల ఆధారంగా పోస్టులో షేర్ చేసిన ఈ ఫోటో బీహార్ ఎన్నికలకి మరియు యోగి ఆదిత్యనాథ్ కి సంబంధించింది కాదు అని ఖచ్చితంగా చెప్పవచ్చు.
![](https://factly.in/wp-content/uploads//2020/10/Yogi-Adityanath-Public-meeting-at-Bihar-Image2.jpg)
చివరగా, నరేంద్ర మోదీ 2014లో నిర్వహించిన సభకి సంబంధించిన ఫోటోని చూపిస్తూ బీహార్ లో యోగి ఆదిత్యనాథ్ నిర్వహించిన ఎన్నికల సభ అని షేర్ చేస్తున్నారు.