2021 ರ ಐಟಿ ನಿಯಮಗಳ, ಅಡಿಯಲ್ಲಿ ಭಾರತ ಸರ್ಕಾರವು ತುರ್ತು ಅಧಿಕಾರವನ್ನು ಬಳಸಿಕೊಂಡು 2002 ರ ಗುಜರಾತ್ ಗಲಭೆಗಳ ಕುರಿತು ಇತ್ತೀಚಿನ ಬಿಬಿಸಿ ಹೊರಡಿಸಿದ ಸಾಕ್ಷ್ಯಚಿತ್ರವನ್ನುನಿರ್ಬಂಧಿಸಿದೆ. ಈ ಹಿನ್ನೆಲೆಯಲ್ಲಿ, ರಾಹುಲ್ ಗಾಂಧಿ ಅವರು ಬಿಬಿಸಿಯನ್ನು ಭೇಟಿಯಾಗಿದ್ದು, ಅಲ್ಲಿನ ನಿರ್ಮಾಪಕರ ಜೊತೆಗಿರುವ ಚಿತ್ರಗಳು ಸಾಮಾಜಿಕ ಮಾಧ್ಯಮದಲ್ಲಿ ಸುಮಾರು ಆರು ತಿಂಗಳ ಹಿಂದೆ ವ್ಯಾಪಕವಾಗಿ ಪೋಸ್ಟ್ ಆಗಿತ್ತು. ಬಿಬಿಸಿಯ ವಿವಾದಾತ್ಮಕ ಸಾಕ್ಷ್ಯಚಿತ್ರದ ನಿರ್ಮಾಪಕರನ್ನು ರಾಹುಲ್ ಗಾಂಧಿ ಭೇಟಿಯಾದರು ಎಂದು ಪೋಸ್ಟ್ನಲ್ಲಿ ಉಲ್ಲೇಖಿಸಲಾಗಿತ್ತು. ಈ ಲೇಖನದ ಮೂಲಕ ವೈರಲ್ ಪೋಸ್ಟ್ನಲ್ಲಿ ಮಾಡಿದ ಕ್ಲೈಮ್ ಅನ್ನು ವಾಸ್ತವವಾಗಿ ಪರಿಶೀಲಿಸೋಣ.
ಕ್ಲೇಮ್: ಬಿಬಿಸಿ ಸಾಕ್ಷ್ಯಚಿತ್ರ ‘ಇಂಡಿಯಾ: ದಿ ಮೋದಿ ಕ್ವೆಸ್ಟ್’ ನಿರ್ಮಾಪಕರೊಂದಿಗೆ ರಾಹುಲ್ ಗಾಂಧಿಯವರ ಚಿತ್ರ.
ಫ್ಯಾಕ್ಟ್ : ಚಿತ್ರದಲ್ಲಿ ರಾಹುಲ್ ಗಾಂಧಿ ಇರುವ ವ್ಯಕ್ತಿ ಬ್ರಿಟನ್‌ನ ಲೇಬರ್ ಪಕ್ಷದ ನಾಯಕ ಜೆರೆಮಿ ಕಾರ್ಬಿನ್ ಮತ್ತು ಗುಜರಾತ್ ಗಲಭೆಗಳ ಕುರಿತು ಬಿಬಿಸಿ ಮಾಡಿರುವ ಸಾಕ್ಷ್ಯಚಿತ್ರದ ನಿರ್ಮಾಪಕರಲ್ಲ. ಈ ಚಿತ್ರವನ್ನು ಮೇ 2022 ರಲ್ಲಿ ರಾಹುಲ್ ಗಾಂಧಿ ಲಂಡನ್‌ನಲ್ಲಿ ಕಾರ್ಬಿನ್ ಅವರನ್ನು ಭೇಟಿ ಮಾಡಿದಾಗ ತೆಗೆದದ್ದು. ಆದರೆ, BBC ಪ್ರಕಾರ, ರಿಚರ್ಡ್ ಕುಕ್ಸನ್ ಸರಣಿ ನಿರ್ಮಾಪಕ ಮತ್ತು ಮೈಕ್ ರಾಡ್ಫೋರ್ಡ್ ವಿವಾದಾತ್ಮಕ ಸಾಕ್ಷ್ಯಚಿತ್ರ ಸರಣಿಯ ಕಾರ್ಯನಿರ್ವಾಹಕ ನಿರ್ಮಾಪಕರಾಗಿದ್ದಾರೆ. ಇದಲ್ಲದೆ, ಜೆರೆಮಿ ಕಾರ್ಬಿನ್ ಅವರನ್ನು ಸಾಕ್ಷ್ಯಚಿತ್ರಕ್ಕೆ ಲಿಂಕ್ ಮಾಡುವ ಯಾವುದೇ ವರದಿಗಳಿಲ್ಲ. ಆದ್ದರಿಂದ ಪೋಸ್ಟ್ನಲ್ಲಿ ಮಾಡಿದ ಕ್ಲೇಮ್ ತಪ್ಪಾಗಿದೆ.
ವೈರಲ್ ಚಿತ್ರದಲ್ಲಿ ರಾಹುಲ್ ಗಾಂಧಿಯೊಂದಿಗೆ ಕಾಣಿಸಿಕೊಂಡಿರುವ ವ್ಯಕ್ತಿ ವಿವಾದಾತ್ಮಕ ಸಾಕ್ಷ್ಯಚಿತ್ರದ ನಿರ್ಮಾಪಕರಲ್ಲ, ಅವರು ಬ್ರಿಟನ್‌ನ ಲೇಬರ್ ಪಕ್ಷದ ಸದಸ್ಯ ಮತ್ತು ಮಾಜಿ ವಿರೋಧ ಪಕ್ಷದ ನಾಯಕ ಜೆರೆಮಿ ಕಾರ್ಬಿನ್. ವೈರಲ್ ಫೋಟೋದ ಹಿಂದಿನ ಚಿತ್ರ ಹುಡುಕಾಟವು ಒಂದೇ ಚಿತ್ರವನ್ನು ಪ್ರಕಟಿಸುವ ಬಹು ಸುದ್ದಿ ವರದಿಗಳನ್ನು ನೀಡಿತು (ಇಲ್ಲಿ, ಇಲ್ಲಿ & ಇಲ್ಲಿ). ಈ ವರದಿಗಳು ಮೇ 2022 ರ ಹಿಂದಿನದು, ಸ್ಯಾಮ್ ಪಿತ್ರೋಡಾ ಅವರೊಂದಿಗೆ ರಾಹುಲ್ ಗಾಂಧಿ ಅವರನ್ನು ಲಂಡನ್‌ನಲ್ಲಿ ಭೇಟಿಯಾದಾಗ ತೆಗೆಸಿಕೊಂಡಿದ್ದಾಗಿತ್ತು. ಆಗ, ಸಭೆಯು ಸಾಕಷ್ಟು ಕೋಲಾಹಲವನ್ನು ಉಂಟುಮಾಡಿತು, ಏಕೆಂದರೆ ‘ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಅವರು ಯುಕೆ ವಿರೋಧ ಪಕ್ಷದ ನಾಯಕ ಜೆರೆಮಿ ಕಾರ್ಬಿನ್ ಅವರ ಭಾರತದ ವಿರುದ್ಧದ ಅಭಿಪ್ರಾಯಗಳನ್ನು ಅನುಮೋದಿಸಿದ್ದಾರೆ ಎಂದು ಆಡಳಿತಾರೂಢ ಬಿಜೆಪಿ ಪಕ್ಷವು ಆರೋಪಿಸಿತ್ತು.’
ಈ ಹಿಂದೆ 2015ರಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ಬ್ರಿಟನ್‌ಗೆ ಭೇಟಿ ನೀಡಿದ್ದಾಗ ಜೆರೆಮಿ ಕಾರ್ಬಿನ್ ಅವರನ್ನು ಭೇಟಿ ಮಾಡಿದ್ದರು. ಈ ಸಭೆಗೆ ಸಂಬಂಧಿಸಿದ ಸುದ್ದಿ ವರದಿಗಳನ್ನು ಇಲ್ಲಿ, ಇಲ್ಲಿ ಕಾಣಬಹುದಾಗಿದೆ.
ವಿವಾದಾತ್ಮಕ ಸಾಕ್ಷ್ಯಚಿತ್ರ ‘ದಿ ಮೋದಿ ಕ್ವೆಶ್ಶನ್’ ನಿರ್ಮಾಣಕ್ಕೆ ಸಂಬಂಧಿಸಿದಂತೆ, BBC ಪ್ರಕಾರ, ರಿಚರ್ಡ್ ಕುಕ್ಸನ್ ಸರಣಿ ನಿರ್ಮಾಪಕ ಮತ್ತು ಮೈಕ್ ರಾಡ್ಫೋರ್ಡ್ ಕಾರ್ಯನಿರ್ವಾಹಕ ನಿರ್ಮಾಪಕರಾಗಿದ್ದಾರೆ. ಮತ್ತು, ಸಾಕ್ಷ್ಯಚಿತ್ರಕ್ಕೆ ಜೆರೆಮಿ ಕಾರ್ಬಿನ್ ಅಥವಾ ಲೇಬರ್ ಪಾರ್ಟಿಯನ್ನು ಲಿಂಕ್ ಮಾಡುವ ಯಾವುದೇ ವರದಿಗಳು ನಮಗೆ ಕಂಡುಬಂದಿಲ್ಲ.
ಇದಲ್ಲದೆ, BBCಯು ಡಿಜಿಟಲ್, ಸಂಸ್ಕೃತಿ, ಮಾಧ್ಯಮ ಮತ್ತು ಕ್ರೀಡಾ ಇಲಾಖೆಯ ಸಾರ್ವಜನಿಕ ನಿಗಮವಾಗಿದೆ, ಇದನ್ನು ಅದರ ಕಾರ್ಯನಿರ್ವಾಹಕ ಮಂಡಳಿ ಮತ್ತು UK ಯ ಸರ್ಕಾರ-ಅನುಮೋದಿತ ನಿಯಂತ್ರಣ ಪ್ರಾಧಿಕಾರ ಆಫ್ಕಾಮ್ ನಿಯಂತ್ರಿಸುತ್ತದೆ.
ಒಟ್ಟಾರೆಯಾಗಿ ಹೇಳುವುದಾದರೆ, ಇದು ಬಿಬಿಸಿ ನಿರ್ಮಾಪಕರಲ್ಲ, ಬದಲಾಗಿ ಜೆರೆಮಿ ಕಾರ್ಬಿನ್ ಅವರೊಂದಿಗೆ ರಾಹುಲ್ ಗಾಂಧಿ ಪೋಸ್ ನೀಡುತ್ತಿರುವುದು.
