ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿಯವರ ವೀಡಿಯೊ ಕ್ಲಿಪ್ ಅನ್ನು ಒಳಗೊಂಡ ಹಲವಾರು ಸಾಮಾಜಿಕ ಮಾಧ್ಯಮ ಪೋಸ್ಟ್‌ಗಳು (ಇಲ್ಲಿ) ಮಹಾತ್ಮ ಗಾಂಧಿಯವರು ಸಂವಿಧಾನವನ್ನು ರಚಿಸಿದ್ದಾರೆ ಎಂದು ಹೇಳಿಕೆ ನೀಡಿದ್ದಾರೆ ಎಂಬ ಹೇಳಿಕೆಯೊಂದಿಗೆ ಹಂಚಿಕೊಳ್ಳಲಾಗುತ್ತಿದೆ. ವೀಡಿಯೊ ಕ್ಲಿಪ್‌ನಲ್ಲಿ, ಅವರು, ‘ಸಂವಿಧಾನವನ್ನು ಯಾರು ರಚಿಸಿದರು?.. ಗಾಂಧಿಜಿ ಸಂವಿಧಾನವನ್ನು ರಚಿಸಲು ತಮ್ಮ ಇಡೀ ಜೀವನವನ್ನು ನೀಡಿದ್ದಾರೆ ಎಂದು ಹೇಳುವುದನ್ನು ಕಾಣಬಹುದು. ಹಾಗಾದರೆ ಈ ಪೋಸ್ಟ್ ನಲ್ಲಿ ಮಾಡಲಾದ ಕ್ಲೇಮ್ ಅನ್ನು ಪರಿಶೀಲಿಸೋಣ.
ಕ್ಲೇಮ್: ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿಯವರು ಸಂವಿಧಾನ ರಚನೆಗೆ ಮಹಾತ್ಮ ಗಾಂಧಿಯವರನ್ನು ಮಾತ್ರ ಶ್ಲಾಘಿಸುವ ವೀಡಿಯೊ.
ಫ್ಯಾಕ್ಟ್: ಇದು ಆಗಸ್ಟ್ 21, 2025 ರಂದು ಬಿಹಾರದ ಮುಂಗೇರ್‌ನಲ್ಲಿ ನಡೆದ ‘ಮತದಾರ ಅಧಿಕಾರ ಯಾತ್ರೆ’ಯ ಸಂದರ್ಭದಲ್ಲಿ ರಾಹುಲ್ ಗಾಂಧಿಯವರು ಮಾಡಿದ ಮೂಲ ಭಾಷಣದ ಆವೃತ್ತಿಯಾಗಿದೆ. ತಮ್ಮ ಮೂಲ ಭಾಷಣದಲ್ಲಿ, ಗಾಂಧಿಯವರು ಸಂವಿಧಾನ ರಚನೆಗೆ ತಮ್ಮ ಇಡೀ ಜೀವನವನ್ನು ಮುಡಿಪಾಗಿಟ್ಟಿದ್ದಾರೆ ಎಂದು ಮಾತನಾಡುವ ಮೊದಲು, ‘ಸಂವಿಧಾನ ರಚನೆಗೆ ಅಂಬೇಡ್ಕರ್ ತಮ್ಮ ಇಡೀ ಜೀವನವನ್ನು ಅರ್ಪಿಸಿದರು’ ಎಂದು ಹೇಳಿದ್ದಾರೆ. ಆದ್ದರಿಂದ, ಪೋಸ್ಟ್‌ನಲ್ಲಿ ಮಾಡಲಾದ ಕ್ಲೇಮ್ ದಾರಿತಪ್ಪಿಸುವಂತಿದೆ.
ವೈರಲ್ ಕ್ಲೇಮ್ ನ ಸತ್ಯಾಸತ್ಯತೆಯನ್ನು ಪರಿಶೀಲಿಸಲು, ನಾವು ಆನ್‌ಲೈನ್‌ನಲ್ಲಿ ಕೀವರ್ಡ್ ಹುಡುಕಾಟವನ್ನು ನಡೆಸಿದ್ದೇವೆ ಮತ್ತು ಮಕ್ತೂಬ್ ಮೀಡಿಯಾದ ಇನ್‌ಸ್ಟಾಗ್ರಾಮ್ ಮತ್ತು ಫೇಸ್‌ಬುಕ್ ಪೇಜ್ನಲ್ಲಿ ರಾಹುಲ್ ಗಾಂಧಿಯವರ ಭಾಷಣದ ದೀರ್ಘ ಆವೃತ್ತಿಯನ್ನು ಕಂಡುಕೊಂಡಿದ್ದೇವೆ.
ಈ ವೀಡಿಯೋದಲ್ಲಿ ಅವರು, ‘ಸಂವಿಧಾನ್ ಕಿಸ್ನೆ ಬನಾಯಾ?… ಅಂಬೇಡ್ಕರ್ ಜೀ ನೆ ಅಪ್ನಿ ಪೂರಿ ಜಿಂದಗಿ ದಿ, ಜಿಂದಗಿ ದೀ ಸಂವಿಧಾನ್ ಬನಯಾ’ ಎಂದು ಹೇಳುವುದನ್ನು ಕಾಣಬಹುದು. ಗಾಂಧಿ ಜೀ ನೆ ಜಿಂದಗಿ ದಿ ಸಂವಿಧಾನ್ ಬನಾಯಾ..ಗಾಂಧಿ ಜೀ ನೆ ಜಿಂದಗಿ ದೀ ಸಂವಿಧಾನ್ ಬನಯಾ. ಕನ್ನಡದಲ್ಲಿ ಹೇಳುವುದಾದರೆ ‘ಸಂವಿಧಾನವನ್ನು ರಚಿಸಿದವರು ಯಾರು? ಅಂಬೇಡ್ಕರ್ ಅವರು ತಮ್ಮ ಇಡೀ ಜೀವನವನ್ನು ಸಂವಿಧಾನವನ್ನು ರಚಿಸಲು ನೀಡಿದರು. ಸಂವಿಧಾನವನ್ನು ರಚಿಸಲು ಗಾಂಧಿ ತಮ್ಮ ಇಡೀ ಜೀವನವನ್ನು ನೀಡಿದರು.’ ಇದರ ನಂತರ, ಅವರು ‘ಮತ ಚೋರಿ’ ಸಂವಿಧಾನದ ಮೇಲಿನ ದಾಳಿ ಎಂದು ಹೇಳುತ್ತಾರೆ.
ಈ ಪೋಸ್ಟ್‌ನ ವಿವರಣೆಯಂತೆ, ಇದು ಅವರ ‘ಮತದಾರ ಅಧಿಕಾರ ಯಾತ್ರೆ’ ಸಮಯದಲ್ಲಿ ಅವರು ನೀಡಿದ ಭಾಷಣದ ಭಾಗವಾಗಿದೆ. ಇದಲ್ಲದೆ, ನಾವು ಇಂಟರ್ನೆಟ್‌ನಲ್ಲಿ ಮತ್ತೊಂದು ಕೀವರ್ಡ್ ಹುಡುಕಾಟವನ್ನು ನಡೆಸಿದ್ದೇವೆ. ಈ ಭಾಷಣದ ಫುಲ್ ಲೆಂಥ್ ವರ್ಷನ್ ನಲ್ಲಿ ರಾಹುಲ್ ಗಾಂಧಿ ಅವರ ಯೂಟ್ಯೂಬ್ ಚಾನೆಲ್‌ನಲ್ಲಿ ಕಂಡುಕೊಂಡಿದ್ದೇವೆ.
ಈ ಭಾಷಣವು ಆಗಸ್ಟ್ 21, 2025 ರಂದು ಬಿಹಾರದ ಮುಂಗೇರ್‌ನಿಂದ ನಡೆದ ‘ಮತದಾರ ಅಧಿಕಾರ ಯಾತ್ರೆ’ಯ ನೇರ ಪ್ರಸಾರದ ಭಾಗವಾಗಿದೆ. ವೈರಲ್ ವೀಡಿಯೊದಲ್ಲಿ ಕಂಡುಬರುವ 20:00 ನಿಮಿಷಗಳ ಸಮಯ ಸ್ಟ್ಯಾಂಪ್‌ನಿಂದ ಪ್ರಾರಂಭವಾಗುತ್ತದೆ, ಅಲ್ಲಿ ಅವರು ಸಂವಿಧಾನ ರಚನೆಗೆ ಡಾ. ಬಿ ಆರ್ ಅಂಬೇಡ್ಕರ್ ಮತ್ತು ಎಂ ಕೆ ಗಾಂಧಿ ಇಬ್ಬರಿಗೂ ಮನ್ನಣೆ ನೀಡುತ್ತಾರೆ.
ನಂತರ ಅವರು ‘ವೋಟ್ ಚೋರಿ’ ಬಗ್ಗೆ ಮಾತನಾಡುತ್ತಾ, ಇದು ಭಾರತದ ಸಂವಿಧಾನದ ಮೇಲಿನ ದಾಳಿ ಎಂದು ತಿಳಿಸಿದರು. ಈ ಪುರಾವೆಗಳು ಅವರು ಮಹಾತ್ಮ ಗಾಂಧಿಯವರು ತಮ್ಮ ಜೀವನವನ್ನು ಸಂವಿಧಾನಕ್ಕಾಗಿ ಅರ್ಪಿಸಿಕೊಂಡ ಬಗ್ಗೆ ಮಾತ್ರ ಮಾತನಾಡಲಿಲ್ಲ ಬದಲಿಗೆ ಡಾ. ಬಿ.ಆರ್. ಅಂಬೇಡ್ಕರ್ ಅವರ ಬಗ್ಗೆಯೂ ಮಾತನಾಡಿದ್ದಾರೆ. ಭಾರತೀಯ ರಾಷ್ಟ್ರೀಯ ಕಾಂಗ್ರೆಸ್ ಚಾನೆಲ್ 21 ಆಗಸ್ಟ್ 2025 ರಂದು ಈ ಭಾಷಣವನ್ನು ನೇರಪ್ರಸಾರ ಮಾಡಿತ್ತು.
ಒಟ್ಟಾರೆಯಾಗಿ ಹೇಳುವುದಾದರೆ, ಬಿಹಾರದ ಮುಂಗೇರ್‌ನಿಂದ ನಡೆದ ‘ವೋಟರ್ ಅಧಿಕಾರ ಯಾತ್ರೆ’ಯ ಸಂದರ್ಭದಲ್ಲಿ ರಾಹುಲ್ ಗಾಂಧಿ ಅವರು ಮಾಡಿದ ಭಾಷಣದ ಕ್ಲಿಪ್ ಮಾಡಿದ ಆವೃತ್ತಿಯನ್ನು, ಸಂವಿಧಾನ ರಚನೆಗೆ ಮಹಾತ್ಮ ಗಾಂಧಿಯವರಿಗೆ ಮಾತ್ರ ಮನ್ನಣೆ ನೀಡಲಾಗಿದೆ ಎಂದು ಹಂಚಿಕೊಳ್ಳಲಾಗುತ್ತಿದೆ.
