‘చిదంబరం భార్య నళిని గారితో రామోజీరావు గారు, చంద్రబాబు నాయుడు గారి భార్య భువనేశ్వరి గారు’ అని చెప్తూ ఒక ఫోటోని ఫేస్బుక్ లో చాలా మంది షేర్ చేస్తున్నారు. ఆ పోస్ట్ లో ఎంతవరకు నిజముందో విశ్లేషిద్ధాం.
![](https://factly.in/wp-content/uploads//2019/08/Nalini-Chidambaram-with-Ramoji-Rao-FB-Post.jpg)
క్లెయిమ్: ఫోటోలో రామోజీరావు మరియు భువనేశ్వరి తో ఉన్నది చిదంబరం భార్య నళిని
ఫాక్ట్ (నిజం): ఫోటోలో ఉన్నది నళిని కాదు అని, అక్కడ ఉన్నది తనేనని ‘వనజ చల్లగుల్ల’ అనే టీడీపీ కార్యకర్త ఒకరు ట్విట్టర్ లో ట్వీట్ చేసారు. నారా లోకేష్ కూడా ఆ ట్వీట్ ని రీ-ట్వీట్ చేసారు. అంతేకాదు, చిదంబరం భార్య నళిని యొక్క మిగితా ఫోటోలు చూసినా, ఫోటోలో ఉన్నది నళిని కాదు అని తెలుస్తుంది. కావున పోస్ట్ లో చెప్పింది అబద్ధం.
పోస్ట్ లోని ఫోటోని గూగుల్ రివర్స్ ఇమేజ్ లో సెర్చ్ చేయగా, ఆ ఫోటోలో ఉన్నది నళిని కాదు అని ఉన్న ఒక ట్వీట్ ని నారా లోకేష్ రీ-ట్వీట్ చేసినట్టు తెలుస్తుంది. రీ-ట్వీట్ చేసిన ట్వీట్ చూస్తే, ఆ ఫోటోలో ఉన్నది చిదంబరం భార్య నళిని కాదు అని, ఫోటోలో రామోజీ రావు మరియు భువనేశ్వరి తో ఉన్నది తనేనని ‘వనజ చల్లగుల్ల’ అనే టీడీపీ కార్యకర్త ట్వీట్ చేసినట్టు చూడవచ్చు.
FAKE ALERT!!
— Lokesh Nara (@naralokesh) August 22, 2019
JAFFAS CAUGHT AGAIN!
PayTM Batch members didn’t know they can fool all the people sometimes, but not all the times!
😄😆😅😂🤣#FekuJagan #FekuJaffas https://t.co/ijhRPEu0kc
గూగుల్ లో ‘నళిని చిదంబరం’ ఫోటోల కోసం వెతకగా, చాలా ఫోటోలు సెర్చ్ రిజల్ట్స్ లో వస్తాయి. ఆ ఫోటోలు చూసినా, పోస్ట్ లోని ఫోటోలో ఉన్నది నళిని చిదంబరం కాదని తెలుస్తుంది.
![](https://factly.in/wp-content/uploads//2019/08/Nalini-Chidambaram-with-Ramoji-Rao-Image-Results-1024x484.jpg)
చివరగా, ఫోటోలో రామోజీరావు మరియు భువనేశ్వరి తో ఉన్నది చిదంబరం భార్య నళిని కాదు.
ఏది ఫేక్, ఏది నిజం సిరీస్ లో మా వీడియోస్ మీరు చూసారా?