గోషామహల్ MLA రాజా సింగ్ పై పోలీసులు లాఠీఛార్జ్ చేసి, తన నెత్తి పగిలేల దాడి చేసారంటూ ఉన్న పోస్ట్ ని ఫేస్బుక్ లో చాలా మంది షేర్ చేస్తున్నారు. ఆ పోస్ట్ లో ఎంతవరకు నిజముందో విశ్లేషిద్ధాం.
క్లెయిమ్ (దావా): రాణి అవంతి విగ్రహాన్ని పునర్ నిర్మిస్తున్న రాజా సింగ్ పై పోలీసులు లాఠీఛార్జ్. నెత్తి పగిలి తీవ్ర రక్తస్రవం అయ్యేలా దాడి చేసి పోలీసులు.
ఫాక్ట్ (నిజం): రాజా సింగ్ ని అడ్డుకున్నప్పుడు తనకు తానే రాయితో నెత్తి మీద కొట్టుకొని గాయం చేసుకున్నాడని హైదరాబాద్ నగర పోలీసువారు తమ అధికారిక ట్విట్టర్ అకౌంట్ ద్వారా తెలిపారు. అంతే కాదు, ఆ సంఘటన గురుంచి బయటకి వచ్చిన వీడియోలలో కూడా తనకు తానే రాయితో కొట్టుకున్నట్టు చూడొచ్చు. కావున పోస్ట్ లో చెప్పింది తప్పు.
పోస్ట్ లోని విషయం గురించి గూగుల్ లో వెతకగా, హైదరాబాద్ నగర పోలీసువారు ఈ విషయం పై ట్విట్టర్ లో తమ అధికారిక అకౌంట్ ద్వారా స్పందించారని తెలుస్తుంది. ఆ ట్వీట్ చూస్తే పోలీసులు విగ్రహ నిర్మాణాన్ని అడ్డుకున్నప్పుడు తనకు తానే రాయితో నెత్తి మీద కొట్టుకొని రాజా సింగ్ గాయం చేసుకున్నట్టు ఉంటుంది. కావున పోస్ట్ లో చెప్పినట్టు రాజా సింగ్ ని నెత్తి పగిలేల పోలీసులు కొట్టలేదు, తనే కొట్టుకున్నాడు.
About 2 am Raja Singh with his followers tried to install a 20 feet statue at Jummerat Bazar.without any permission in violation of the law. In the process when he was prevented by police he hit himself with a stone on his head and caused a self inflicted injury on his head pic.twitter.com/GccoNGNSiv
— Hyderabad City Police (@hydcitypolice) June 20, 2019
రాజా సింగ్ తన నెత్తిని రాయితో కొట్టుకుంటున్న వీడియోని కూడా హైదరాబాద్ నగర కమీషనర్ అంజని కుమార్ తన అధికార ట్విట్టర్ అకౌంట్ లో ట్వీట్ చేసారు. ఈ వీడియోలలో కూడా తనకు తానే రాయితో కొట్టుకున్నట్టు చూడొచ్చు.
No lathicharge by Police. Sufficient evidence with us that it is a self-inflicted injury. pic.twitter.com/2KDS7eUgeD
— Anjani Kumar, IPS (@CPHydCity) June 20, 2019
చివరగా, రాజా సింగ్ ని నెత్తి పగిలేల పోలీసులు కొట్టలేదు, తనే రాయితో కొట్టుకున్నాడు.
ఏది ఫేక్, ఏది నిజం సిరీస్ లో మా వీడియోస్ మీరు చూసారా?
