ಕೇರಳದ ಬಿಲೀವರ್ಸ್ ಈಸ್ಟರ್ನ್ ಚರ್ಚ್ ನಲ್ಲಿ 7,000 ಕೋಟಿ ರೂ ಕಪ್ಪು ಹಣ ಪತ್ತೆಯಾಗಿದ್ದು, ಅದನ್ನು ಜಾರಿ ನಿರ್ದೇಶನಾಲಯ ವಶಪಡಿಸಿಕೊಂಡಿದೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್‌ವೊಂದನ್ನು ವ್ಯಾಪಕವಾಗಿ ಹಂಚಿಕೊಳ್ಳಲಾಗುತ್ತಿದೆ. ಪೋಸ್ಟ್‌ನಲ್ಲಿ ಮಾಡಲಾಗಿರುವ ಪ್ರತಿಪಾದನೆಯ ಸತ್ಯವನ್ನು ಪರಿಶೀಲಿಸೋಣ.
ಪ್ರತಿಪಾದನೆ: ಬಿಲೀವರ್ಸ್ ಈಸ್ಟರ್ನ್ ಚರ್ಚ್ (ಕೇರಳ) ನಿಂದ 7000 ಕೋಟಿ ರೂ ಕಪ್ಪು ಹಣವನ್ನು ಜಾರಿ ಇಲಾಖೆ ವಶಪಡಿಸಿಕೊಂಡಿದೆ.
ನಿಜಾಂಶ: ಆದಾಯ ತೆರಿಗೆ ಇಲಾಖೆ ಬಿಲೀವರ್ಸ್ ಈಸ್ಟರ್ನ್ ಚರ್ಚ್ (ಕೇರಳ) ದಿಂದ ಯಾವುದೇ 7000 ಕೋಟಿ ರೂ. ಕಪ್ಪು ಹಣವನ್ನು ವಶಪಡಿಸಿಕೊಂಡಿಲ್ಲ. ಐಟಿ ಇಲಾಖೆಯ ಅಧಿಕೃತ ಪತ್ರಿಕಾ ಹೇಳಿಕೆಯಲ್ಲಿ – ‘ಶೋಧದ ವೇಳೆ ಅಂದಾಜು 3.85 ಕೋಟಿ ರೂ. ಸೇರಿದಂತೆ 6 ಕೋಟಿ ರೂ ವಿವರಿಸಲಾಗದ ನಗದು ದೆಹಲಿಯ ಪೂಜಾ ಸ್ಥಳದಲ್ಲಿ ಪತ್ತೆಯಾಗಿದೆ ಎಂದು ಹೇಳಿದೆ. ‘ಆದರೆ ಹಣವನ್ನು ನಗದು ರೂಪದಲ್ಲಿ ಪತ್ತೆಯಾಗಿರುವುದರಿಂದ ಇದು ನೂರಾರು ಕೋಟಿ ರೂ ಅಕ್ರಮದ ದಾಖಲೆಗಳು ಸಿಕ್ಕಿವೆ ಎಂದು ಐಟಿ ಇಲಾಖೆ ಹೇಳಿದೆ. ಆದ್ದರಿಂದ ಪೋಸ್ಟ್‌ನಲ್ಲಿ ಮಾಡಿದ ಪ್ರತಿಪಾದನೆ ತಪ್ಪಾಗಿದೆ.
ಪೋಸ್ಟ್‌ನಲ್ಲಿ ಉಲ್ಲೇಖಿಸಲಾದ ಐಟಿ ದಾಳಿಯ ಬಗ್ಗೆ ಮಾಹಿತಿಗಾಗಿ ಹುಡುಕಿದಾಗ ಹಲವಾರು ಸುದ್ದಿ ಲೇಖನಗಳು ಕಂಡುಬಂದಿವೆ. 6 ನವೆಂಬರ್ 2020 ರಂದು ಪ್ರಕಟವಾದ ‘ದಿ ಹಿಂದೂ’ ಲೇಖನದಲ್ಲಿ, ‘ತಿರುವಲ್ಲಾ ಮೂಲದ ಬಿಲೀವರ್ಸ್ ಈಸ್ಟರ್ನ್ ಚರ್ಚ್‌ನ ಮೇಲೆ ಆದಾಯ ತೆರಿಗೆ ಇಲಾಖೆಯು ನಡೆಸಿದ ದಾಳಿಯು ಹಲವಾರು ಅಕ್ರಮಗಳನ್ನು ಬೆಳಕಿಗೆ ತಂದಿದೆ’ ಎಂದು ಓದಬಹುದು. ಆದಾಯ ತೆರಿಗೆ ಇಲಾಖೆಯ ಅಧಿಕೃತ ವೆಬ್‌ಸೈಟ್‌ನಲ್ಲಿ, ದಾಳಿಗಳಿಗೆ ಸಂಬಂಧಿಸಿದ ಪತ್ರಿಕಾ ಪ್ರಕಟಣೆಯನ್ನು ಕಾಣಬಹುದು. ಅಧಿಕೃತ ಪತ್ರಿಕಾ ಪ್ರಕಟಣೆಯಲ್ಲಿ ಹೀಗೆ ಬರೆಯಲಾಗಿದೆ – ‘ಶೋಧದ ವೇಳೆ ದೆಹಲಿಯ ಪೂಜಾ ಸ್ಥಳದಲ್ಲಿ ಅಂದಾಜು 3.85 ಕೋಟಿ ರೂ. ಸೇರಿದಂತೆ 6 ಕೋಟಿ ರೂ. ವಿವರಿಸಲಾಗದ ನಗದು ಪತ್ತೆಯಾಗಿದೆ. ಗಣನೀಯ ಎಲೆಕ್ಟ್ರಾನಿಕ್ ಕಂಪ್ಯೂಟಿಂಗ್ ಮತ್ತು ಡೇಟಾ ಸಂಗ್ರಹಣೆಯೂ ಕಂಡುಬಂದಿದೆ. ಅದನ್ನು ಪರಿಶೀಲಿಸಲಾಗುತ್ತಿದೆ. ಹೆಚ್ಚಿನ ತನಿಖೆ ನಡೆಯುತ್ತಿದೆ.ಇಲ್ಲಿಯವರೆಗೆ ದೊರೆತ ಪುರಾವೆಗಳು ನಗದು ರೂಪದಲ್ಲಿ ಹಣವನ್ನು ಗಮನಿಸಿದರೆ ನೂರಾರು ಕೋಟಿ ರೂಪಾಯಿಗಳ ಅವ್ಯವಹಾರ ಇರಬಹುದು ಎಂದು ಸೂಚಿಸುತ್ತದೆ’. ಎಂದು ಪ್ರೆಸ್‌ ರಿಲೀಸ್‌ನಲ್ಲಿ ಹೇಳಿದೆ – ಹಲವಾರು ಸುದ್ದಿ ಲೇಖನಗಳು ಇದನ್ನು ವರದಿ ಮಾಡಿವೆ. ಒಟ್ಟು 14 ಕೋಟಿ ರೂ. ವಶಪಡಿಸಿಕೊಳ್ಳಲಾಗಿದೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ ಎಂದು ಕೆಲವು ಮಾಧ್ಯಮ ಸಂಸ್ಥೆಗಳು ವರದಿ ಮಾಡಿವೆ (ಹೆಚ್ಚುವರಿ 6 ಕೋಟಿ ರೂ. ಜೊತೆಗೆ 6 ಕೋಟಿ ರೂ.) ಆದರೆ, ಹೆಚ್ಚುವರಿಯಾಗಿ ಹೇಳಲಾಗಿರುವ ಹಣದ ಮೊತ್ತಕ್ಕೆ ಯಾವುದೇ ಅಧಿಕೃತ ದೃಢೀಕರಣ ಕಂಡುಬಂದಿಲ್ಲ.
‘ಕಳೆದ 5 ವರ್ಷಗಳಲ್ಲಿ ಚರ್ಚ್‌ಗೆ 6000 ಕೋಟಿ ರೂ. ವಿದೇಶಿ ನೆರವು ದೊರೆತಿದೆ ಎಂದು ಇಲಾಖೆ ಕಂಡುಹಿಡಿದಿದೆ’ ಎಂದು ‘ಮಾತೃಭೂಮಿ’ ವರದಿ ಮಾಡಿದೆ. ಆದರೆ ಇತರ ಸುದ್ದಿ ಸಂಸ್ಥೆಗಳು ‘18 ವರ್ಷಗಳ ಅವಧಿಯಲ್ಲಿ ಚರ್ಚ್ 1,000 ಕೋಟಿ ರೂ. ವಿದೇಶಿ ನಿಧಿಯನ್ನು ಪಡೆದಿದೆ ಎಂದು ಆರೋಪಿಸಲಾಗಿದೆ’ ಎಂದು ವರದಿ ಮಾಡಿವೆ. ಆದರೆ, ಇದು ಇನ್ನೂ ದೃಢಪಟ್ಟಿಲ್ಲ. ಆದ್ದರಿಂದ, ಚರ್ಚ್ ಮೇಲಿನ ದಾಳಿಗಳಲ್ಲಿ 7000 ಕೋಟಿ ರೂ. ನಗದು ವಶಪಡಿಸಿಕೊಳ್ಳಲಾಗಿಲ್ಲ. ಬಿಲೀವರ್ಸ್ ಈಸ್ಟರ್ನ್ ಚರ್ಚ್‌ನ ಹೇಳಿಕೆಯನ್ನು ‘ದಿ ಹಿಂದೂ’ ಲೇಖನದಲ್ಲಿ ಓದಬಹುದು. ಒ
ಒಟ್ಟಾರೆಯಾಗಿ ಹೇಳುವುದಾದರೆ, ಐಟಿ ಇಲಾಖೆಯ ಅಧಿಕೃತ ಪತ್ರಿಕಾ ಪ್ರಕಟಣೆಯಲ್ಲಿ ಅಂದಾಜು ಶೋಧದ ವೇಳೆ 6 ಕೋಟಿ ರೂ. ನಗದು ಪತ್ತೆಯಾಗಿದೆ.
