31 ಅಕ್ಟೋಬರ್ 2024 ರ ದೀಪಾವಳಿ ಆಚರಣೆಯ ನಂತರ, ಸ್ಟೇಡಿಯಂನಲ್ಲಿ ಪಟಾಕಿ ಪ್ರದರ್ಶನವನ್ನು ತೋರಿಸುವ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿದೆ. ಇದು ನಾಗಾಲ್ಯಾಂಡ್‌ನ ದಿಮಾಪುರ್ ಕ್ರೀಡಾಂಗಣದಲ್ಲಿ ನಡೆದ ಇತ್ತೀಚೆಗೆ ದೀಪಾವಳಿ ಆಚರಣೆ ಎಂದು ಪೋಸ್ಟ್ನಲ್ಲಿ ಹೇಳಲಾಗಿದೆ. ಹಾಗಾದರೆ ಈ ಪೋಸ್ಟ್ ನಲ್ಲಿ ಮಾಡಿದ ಕ್ಲೇಮ್ ಅನ್ನು ಪರಿಶೀಲಿಸೋಣ.
ಕ್ಲೇಮ್: ಇತ್ತೀಚೆಗೆ ದೀಪಾವಳಿ ಆಚರಣೆಯ ಸಂದರ್ಭದಲ್ಲಿ ನಾಗಾಲ್ಯಾಂಡ್‌ನ ಕ್ರೀಡಾಂಗಣದಲ್ಲಿ ಪಟಾಕಿ ಸಿಡಿಸುವ ದೃಶ್ಯಗಳು.
ಫ್ಯಾಕ್ಟ್: ಕ್ರೀಡಾಂಗಣದಲ್ಲಿ ಪಟಾಕಿ ಸಿಡಿಸುವ ಈ ದೃಶ್ಯಗಳು 29 ಅಕ್ಟೋಬರ್ 2024 ರಂದು ಅರ್ಜೆಂಟೀನಾದ ಬ್ಯೂನಸ್ ಐರಿಸ್‌ನಲ್ಲಿರುವ ಮಾನ್ಯುಮೆಂಟ್ ಸ್ಟೇಡಿಯಂನ ದೃಶ್ಯಗಳಾಗಿದೆ. ರಿವರ್ ಪ್ಲೇಟ್ (ಅರ್ಜೆಂಟೀನಾ) ಮತ್ತು ಅಟ್ಲೆಟಿಕೊ ಮಿನೆರೊ (ಬ್ರೆಜಿಲ್) ನಡುವಿನ ಕೋಪಾ ಲಿಬರ್ಟಡೋರ್ಸ್ ಸೆಮಿಫೈನಲ್‌ ಪದ್ಯದ ದೃಶ್ಯಗಳಾಗಿದೆ. ಇದು ನಾಗಾಲ್ಯಾಂಡ್‌ನಲ್ಲಿನ ಇತ್ತೀಚಿನ ದೀಪಾವಳಿ ಆಚರಣೆಯದಲ್ಲ. ಆದ್ದರಿಂದ ಈ ಕ್ಲೇಮ್ ತಪ್ಪಾಗಿದೆ.
ಕ್ಲೈಮ್ ಅನ್ನು ಪರಿಶೀಲಿಸಲು, ನಾವು ಗೂಗಲ್ನಲ್ಲಿ ರಿವರ್ಸ್ ಇಮೇಜ್ ಹುಡುಕಾಟವನ್ನು ನಡೆಸಿದ್ದೇವೆ, ಇದು ಬ್ರೂಟ್ FR ಹೆಸರಿನ X ಹ್ಯಾಂಡಲ್‌ನಲ್ಲಿ ವೈರಲ್ ಕ್ಲಿಪ್‌ನ ಫುಲ್ ವರ್ಷನ್ಗೆ ನಮ್ಮನ್ನು ಕರೆದೊಯ್ಯಿತು. 1 ನವೆಂಬರ್ 2024 ರಂದು ಪೋಸ್ಟ್ ಮಾಡಲಾಗಿದ್ದು, ಅರ್ಜೆಂಟೀನಾದ ರಿವರ್ ಪ್ಲೇಟ್ ಮತ್ತು ಬ್ರೆಜಿಲ್‌ನ ಅಟ್ಲೆಟಿಕೊ ಮಿನೆರೊ ನಡುವಿನ ಕೋಪಾ ಲಿಬರ್ಟಡೋರ್ಸ್ ಸೆಮಿ-ಫೈನಲ್ ಎರಡನೇ ಲೆಗ್‌ನ ಕ್ಲಿಪ್ ಅನ್ನು ಫ್ರೆಂಚ್‌ನಲ್ಲಿ ಕ್ಯಾಪ್ಶನ್ ಆಗಿ ನೀಡಲಾಗಿದೆ. ಪಂದ್ಯವು 0-0 ಡ್ರಾದಲ್ಲಿ ಕೊನೆಗೊಂಡಿತು, ಆದರೆ ಅಟ್ಲೆಟಿಕೊ ಮಿನೆರೊ ಮೊದಲ ಲೆಗ್‌ನಲ್ಲಿ 3-0 ಗೆಲುವಿನ ನಂತರ ಫೈನಲ್‌ಗೆ ಮುನ್ನಡೆದರು. ಕ್ರೀಡಾಂಗಣದ ಪಟಾಕಿಗಳನ್ನು ತೋರಿಸುವ ವೈರಲ್ ದೃಶ್ಯಗಳು ಈ ವೀಡಿಯೊದ ಕೊನೆಯಲ್ಲಿ ಕಾಣಿಸಿಕೊಳ್ಳುತ್ತವೆ.
ಈ ಕುರಿತಾದ ಹೆಚ್ಚಿನ ತನಿಖೆಯು ನಮ್ಮನ್ನು 30 ಅಕ್ಟೋಬರ್ 2024 ರಂದು VRedBaller ಹೆಸರಿನ ಫುಟ್‌ಬಾಲ್-ಎಸ್ಎಕ್ಲ್ಯೂಸಿವ್ ಚಾನೆಲ್‌ನಲ್ಲಿ ಅಪ್‌ಲೋಡ್ ಮಾಡಲಾದ ಅದೇ ವೀಡಿಯೊಗೆ ನಮ್ಮನ್ನು ಕರೆದೊಯ್ಯಿತು. ಈ ಅಪ್‌ಲೋಡ್ ದೀಪಾವಳಿಯ ಮೊದಲೇ ಆಗಿದ್ದು, “River Plate fans go CRAZY vs Atlético MG for the Copa Libertadores!” ಎಂದು ಅದೇ ವೀಡಿಯೊದ ಇನ್ನೊಂದು ಆಯಾಮದಲ್ಲಿ ತೆಗೆದ ದೃಶ್ಯಗಳನ್ನು ಚಾನಲ್ ಪೋಸ್ಟ್ ಮಾಡಿದೆ.
ಮೂಲ ವೀಡಿಯೊ ಮತ್ತು ವೈರಲ್ ಕ್ಲಿಪ್ಗೆ ಹೋಲಿಕೆ ಮಾಡಿದಾಗ ಇದು ಅದೇ ಘಟನೆಗೆ ಸಂಬಂಧಿಸಿದೆ ಎಂದು ತಿಳಿದು ಬಂದಿದೆ. ಕ್ರೀಡಾಂಗಣದ ಮೇಲ್ಭಾಗದಲ್ಲಿರುವ ಲೈಟ್ ಮತ್ತು ಮೈಕ್ರೊಫೋನ್ ಮತ್ತು ಫೋನ್‌ಗಳನ್ನು ಹಿಡಿದಿರುವ ಜನರು ಎರಡೂ ವೀಡಿಯೊಗಳಲ್ಲಿ ಒಂದೇ ಆಗಿದ್ದಾರೆ.
ಸುದ್ದಿ ವರದಿಗಳ ಹುಡುಕಾಟವು beIN ಸ್ಪೋರ್ಟ್ಸ್ ಈವೆಂಟ್‌ನ ಡೀಟೈಲ್ಡ್ ಅಕೌಂಟ್ಗೆ ನಮ್ಮನ್ನು ಕರೆದೊಯ್ಯಿತು. ಅವರ ವರದಿಯ ಪ್ರಕಾರ, 29 ಅಕ್ಟೋಬರ್ 2024 ರಂದು, ಅಟ್ಲೆಟಿಕೊ ಮಿನೆರೊ ವಿರುದ್ಧದ ಕೋಪಾ ಲಿಬರ್ಟಡೋರ್ಸ್ ಪಂದ್ಯದ ಸಮಯದಲ್ಲಿ ಅಭಿಮಾನಿಗಳ ಅನಧಿಕೃತವಾಗಿ ಸಿಡಿಮದ್ದು ಸಿಡಿಸಿದಕ್ಕಾಗಿ ರಿವರ್ ಪ್ಲೇಟ್‌ನ ಕ್ರೀಡಾಂಗಣವನ್ನು ಮುಚ್ಚಲಾಯಿತು. ನಿಯಮ ಉಲ್ಲಂಘಿಸಿ ಅಭಿಮಾನಿಗಳು ಕ್ರೀಡಾಂಗಣದಾದ್ಯಂತ ಪಟಾಕಿಗಳನ್ನು ಹಾರಿಸಿದ್ದರು. ಬ್ಯೂನಸ್ ಐರಿಸ್ ಗವರ್ನಮೆಂಟ್ ಕಂಟ್ರೋಲ್ ಏಜೆನ್ಸಿ (AGC) ಅಂಗವಿಕಲ ಸ್ನಾನಗೃಹದಲ್ಲಿ 3,648 ಜ್ವಾಲೆಗಳನ್ನು ಸಂಗ್ರಹಿಸಿದ ನಂತರ ಮುಚ್ಚಲಾಯಿತು.ಇದು ಪೆನಾಲ್ಟಿಗಳ ಜೊತೆಗೆ ಪಬ್ಲಿಕ್ ಪ್ರಾಸಿಕ್ಯೂಟರ್ ಕಚೇರಿ ಮತ್ತು CONMEBOL ಒಳಗೊಂಡಿತ್ತು. ಮುಚ್ಚುವಿಕೆಯನ್ನು ತೆಗೆದುಹಾಕಲು ಕ್ಲಬ್ ಕೆಲಸ ಮಾಡುತ್ತಿದೆ ಆದರೆ ಗಮನಾರ್ಹ ದಂಡವನ್ನು ಎದುರಿಸುತ್ತಿದೆ. ಅಭಿಮಾನಿಗಳ ಈ ವರ್ತನೆಯ ಹೊರತಾಗಿಯೂ, ರಿವರ್ ಪ್ಲೇಟ್ 0-0 ಡ್ರಾದೊಂದಿಗೆ ಕೊನೆಗೊಂಡಿತು ಮತ್ತು ನಾಕ್ಔಟ್ ಆಯಿತು.
ಅದೇ ಸಮಯದಲ್ಲಿ, ದೇಶದ ಉಳಿದ ಭಾಗಗಳಲ್ಲಿ, ನಾಗಾಲ್ಯಾಂಡ್ ಮನೆಗಳು, ವ್ಯಾಪಾರಗಳು ಮತ್ತು ಸ್ಥಳಗಳಳ್ಳಿ ದೀಪ ಬೆಳಗಿಸುವುದರ ಮೂಲಕ ದೀಪಾವಳಿಯನ್ನು ಆಚರಿಸಿತು. ಅದರಲ್ಲೂ ವಿಶೇಷವಾಗಿ ಕೊಹಿಮಾ ಮತ್ತು ದಿಮಾಪುರ್‌ನಲ್ಲಿ ಹೆಚ್ಚಿನ ಕ್ರಿಶ್ಚಿಯನ್ನರಲ್ಲದ ಸಮುದಾಯದವರು ಈ ಹಬ್ಬವನ್ನು ಆಚರಿಸಿದರು. ಗುರುವಾರದಂದು ಹಬ್ಬವನ್ನು ವಿಜೃಂಭಣೆಯಿಂದ ಆಚರಿಸಲಾಗುತ್ತಿದೆ ಎಂದು ಹಲವಾರು (ಇಲ್ಲಿ ಮತ್ತು ಇಲ್ಲಿ) ವರದಿಗಳು ತಿಳಿಸಿವೆ. ಹಗಲಿನಲ್ಲಿ ಜನರು ದೀಪ ಮತ್ತು ಪಟಾಕಿಗಳನ್ನು ಖರೀದಿಸುವಲ್ಲಿ ನಿರತರಾಗಿದ್ದರೆ, ಸಂಜೆಯ ಹೊತ್ತಿಗೆ ಮನೆಗಳು ದೀಪಗಳಿಂದ ಕಂಗೊಳಿಸುತ್ತಿತ್ತು ಪಟಾಕಿ ನಿಷೇಧವಾಗಿದ್ದರು ಪಟಾಕಿಗಳು ಬೆಳಗಿದವು. ಗವರ್ನರ್ ಲಾ ಗಣೇಶನ್ ಮತ್ತು ಮುಖ್ಯಮಂತ್ರಿ ನೆಫಿಯು ರಿಯೊ ಹಬ್ಬಕ್ಕೆ ಶುಭಹಾರೈಸಿದರು.
ಒಟ್ಟಾರೆಯಾಗಿ ಹೇಳುವುದಾದರೆ, ಅರ್ಜೆಂಟೀನಾದ ಕ್ರೀಡಾಂಗಣದಲ್ಲಿ ಪಟಾಕಿ ಸಿಡಿಸುವ ದೃಶ್ಯಗಳನ್ನು ನಾಗಾಲ್ಯಾಂಡ್‌ನಲ್ಲಿ ದೀಪಾವಳಿ ಆಚರಣೆ ಎಂದು ತಪ್ಪಾಗಿ ಹಂಚಿಕೊಳ್ಳಲಾಗಿದೆ.
