ಅಮರ್ತ್ಯ ಸೇನ್ ನಳಂದ ವಿಶ್ವವಿದ್ಯಾಲಯದ ಕುಲಪತಿಯಾಗಿದ್ದ ಅವಧಿಯಲ್ಲಿ, ₹2730 ಕೋಟಿ ಸಾರ್ವಜನಿಕ ನಿಧಿಯನ್ನು ದುರುಪಯೋಗಪಡಿಸಿಕೊಂಡಿದ್ದಾರೆ ಮತ್ತು ಡಾ. ಮನಮೋಹನ್ ಸಿಂಗ್ ಅವರ ಪುತ್ರಿಯರು ಮತ್ತು ಆಪ್ತರನ್ನು ಅರ್ಹತೆ ಇಲ್ಲದೆ ಪ್ರಮುಖ ಹುದ್ದೆಗಳಿಗೆ ನೇಮಿಸಿದ್ದಾರೆ ಎಂದು ಸಾಮಾಜಿಕ ಮಾಧ್ಯಮ ಪೋಸ್ಟ್‌ನಲ್ಲಿ ಹೇಳಲಾಗಿದೆ. ಸಿಂಗ್ ಅವರ ಪುತ್ರಿಯರು ಸೇರಿದಂತೆ ಈ ನೇಮಕಗೊಂಡವರು ವಿಶ್ವವಿದ್ಯಾಲಯಕ್ಕೆ ಕೊಡುಗೆ ನೀಡದೆ ಸಂಬಳ ಪಡೆಯುತ್ತಿದ್ದಾರೆ ಎಂದು ಆರೋಪಿಸಲಾಗಿದೆ. ಹೆಚ್ಚುವರಿಯಾಗಿ, ಮೋದಿ ಸರ್ಕಾರ ಅಧಿಕಾರಕ್ಕೆ ಬಂದ ನಂತರ ಅಜವಾಬ್ದಾರಿಯುತ ಸಮಿತಿಯನ್ನು ವಜಾಗೊಳಿಸಿದೆ ಎಂದು ಪೋಸ್ಟ್‌ನಲ್ಲಿ ಹೇಳಲಾಗಿದೆ. ಹಾಗಾದರೆ ಈ ಪೋಸ್ಟ್ ನಲ್ಲಿ ಮಾಡಿದ ಕ್ಲೇಮ್ ಅನ್ನು ಪರಿಶೀಲಿಸೋಣ.
ಕ್ಲೇಮ್: ಅಮರ್ತ್ಯ ಸೇನ್ ಮತ್ತು ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಅವರ ಪುತ್ರಿಯರು ನಳಂದ ವಿಶ್ವವಿದ್ಯಾಲಯವನ್ನು ನಿರ್ಮಿಸಲು ಭಾರತ ಸರ್ಕಾರ ನಿಗದಿಪಡಿಸಿದ ₹2730 ಕೋಟಿಯನ್ನು ದುರುಪಯೋಗಪಡಿಸಿಕೊಂಡಿದ್ದಾರೆ. ಈ ದುರುಪಯೋಗದಿಂದಾಗಿ ಮೋದಿ ಸರ್ಕಾರ 2014 ರಲ್ಲಿ ಅಧಿಕಾರಕ್ಕೆ ಬಂದ ನಂತರ ಹಳೆಯ ಸಮಿತಿಯನ್ನು ನೇಮಿಸಿತು.
ಫ್ಯಾಕ್ಟ್: ಮನಮೋಹನ್ ಸಿಂಗ್ ಅವರ ಪುತ್ರಿಯರಾದ ದಮನ್ ಸಿಂಗ್ ಮತ್ತು ಉಪಿಂದರ್ ಸಿಂಗ್ ಅವರು ನಳಂದ ವಿಶ್ವವಿದ್ಯಾಲಯದೊಂದಿಗಿನ ಯಾವುದೇ ಸಂಬಂವಿಲ್ಲ ಸ್ಪಷ್ಟವಾಗಿ ಹೇಳಿದ್ದಾರೆ. ಅವರು ಎಂದಿಗೂ ಅಲ್ಲಿ ಕೆಲಸ ಮಾಡಿಲ್ಲ ಅಥವಾ ಯಾವುದೇ ಸಂಬಳ ಅಥವಾ ಪ್ರಯೋಜನಗಳನ್ನು ಪಡೆದಿಲ್ಲ ಎಂದು ದೃಢಪಡಿಸಿದ್ದಾರೆ. ಅಮರ್ತ್ಯ ಸೇನ್ ಅವರು ಫೆಬ್ರವರಿ 2015 ರವರೆಗೆ, ಕುಲಪತಿಯಾಗಿದ್ದಾಗ, ಅನುಮೋದಿತ ₹2727.10 ಕೋಟಿಯಲ್ಲಿ ₹47.28 ಕೋಟಿಯನ್ನು ಮಾತ್ರ ಸರ್ಕಾರ ವಿಶ್ವವಿದ್ಯಾಲಯಕ್ಕೆ ಬಿಡುಗಡೆ ಮಾಡಿತ್ತು. ಇದಲ್ಲದೆ, 2016 ರಲ್ಲಿ ಯಾವುದೇ ಅಧಿಕೃತ ಸರ್ಕಾರಿ ಹೇಳಿಕೆಯು ನಳಂದ ವಿಶ್ವವಿದ್ಯಾಲಯ ಸಮಿತಿಯ ಪುನರ್ರಚನೆಯನ್ನು ಅಮರ್ತ್ಯ ಸೇನ್ ವಿರುದ್ಧದ ಭ್ರಷ್ಟಾಚಾರ ಆರೋಪಗಳಿಗೆ ಸಂಬಂಧಿಸಿದೆ ಎಂದು ಹೇಳಿಲ್ಲ. ಆದ್ದರಿಂದ, ಈ ಕ್ಲೇಮ್ ಸುಳ್ಳಾಗಿದೆ.
2007 ರಲ್ಲಿ, ಯುಪಿಎ ಸರ್ಕಾರವು ಐತಿಹಾಸಿಕ ನಳಂದ ವಿಶ್ವವಿದ್ಯಾಲಯವನ್ನು ಪುನರುಜ್ಜೀವನಗೊಳಿಸಲು, ಪ್ರೊಫೆಸರ್ ಅಮರ್ತ್ಯ ಸೇನ್ ಅವರನ್ನು ಅಧ್ಯಕ್ಷರಾಗಿ ನಳಂದ ಮಾರ್ಗದರ್ಶಕರ ಗುಂಪು (ಎನ್‌ಎಂಜಿ) ಅನ್ನು ಸ್ಥಾಪಿಸಿತು. ಈ ಕ್ರಮವನ್ನು ಬೆಂಬಲಿಸಲು, ‘ನಳಂದ ವಿಶ್ವವಿದ್ಯಾಲಯ ಕಾಯ್ದೆ, 2010‘ ಅನ್ನು ಅಂಗೀಕರಿಸಲಾಯಿತು. 2012 ರಲ್ಲಿ, ಅಮರ್ತ್ಯ ಸೇನ್ ಅವರನ್ನು ವಿಶ್ವವಿದ್ಯಾಲಯದ ಮೊದಲ ಕುಲಪತಿಯಾಗಿ ನೇಮಿಸಲಾಯಿತು. 800 ವರ್ಷಗಳ ನಂತರ, ನಳಂದ ವಿಶ್ವವಿದ್ಯಾಲಯವನ್ನು ಆಗಸ್ಟ್ 2014 ರಲ್ಲಿ ಅಧಿಕೃತವಾಗಿ ಪುನಃ ತೆರೆಯಲಾಯಿತು. ಆದರೆ, 2014 ರಲ್ಲಿ ಮೋದಿ ಸರ್ಕಾರ ರಚನೆಯಾದ ನಂತರ, ವಿಶ್ವವಿದ್ಯಾನಿಲಯದ ವ್ಯವಹಾರಗಳಲ್ಲಿ ಸರ್ಕಾರದ ಹಸ್ತಕ್ಷೇಪವನ್ನು ಉಲ್ಲೇಖಿಸಿ ಸೇನ್ ಫೆಬ್ರವರಿ 2015 ರಲ್ಲಿ ತಮ್ಮ ಕುಲಪತಿ ಸ್ಥಾನಕ್ಕೆ ರಾಜೀನಾಮೆ ನೀಡಿದರು. 2016 ರಲ್ಲಿ, ಆಗಿನ ರಾಷ್ಟ್ರಪತಿ ಪ್ರಣಬ್ ಮುಖರ್ಜಿ ಪ್ರಸ್ತಾಪನೆಯ ಮೇರೆಗೆ ವಿಶ್ವವಿದ್ಯಾಲಯದ ಹೊಸ ಆಡಳಿತ ಮಂಡಳಿಯನ್ನು ರಚಿಸಲಾಯಿತು.
ಪೋಸ್ಟ್‌ನಲ್ಲಿರುವ ಆರೋಪಗಳಿಗೆ ಸಂಬಂಧಿಸಿದಂತೆ, ವಿದೇಶಾಂಗ ಸಚಿವಾಲಯವು ಏಪ್ರಿಲ್ 2015 ರಲ್ಲಿ ಸಂಸತ್ತಿನಲ್ಲಿ ಸ್ಪಷ್ಟಪಡಿಸಿದ್ದು, ಸರ್ಕಾರವು ಅನುಮೋದಿಸಿದ ₹2727.10 ಕೋಟಿಯಲ್ಲಿ ₹47.28 ಕೋಟಿ ಮಾತ್ರ ವಿಶ್ವವಿದ್ಯಾಲಯದ ಪುನರ್ನಿರ್ಮಾಣಕ್ಕಾಗಿ ಬಿಡುಗಡೆ ಮಾಡಲಾಗಿದೆ. ಹೆಚ್ಚುವರಿಯಾಗಿ, ನಳಂದ ವಿಶ್ವವಿದ್ಯಾಲಯವು 2015 ರಲ್ಲಿ ಅಮರ್ತ್ಯ ಸೇನ್ ಕುಲಪತಿಯಾಗಿದ್ದಾಗ ಯಾವುದೇ ಸಂಬಳವನ್ನು ಪಡೆದಿಲ್ಲ ಎಂದು ಹೇಳಿದೆ.
ನಳಂದ ವಿಶ್ವವಿದ್ಯಾಲಯದಿಂದ ಅಮರ್ತ್ಯ ಸೇನ್ ನಿರ್ಗಮಿಸಿದ ಸಂದರ್ಭಗಳ ಕುರಿತು ಪ್ರಶ್ನೆಗಲು ಬಂದಾಗ , ಮಾಜಿ ವಿದೇಶಾಂಗ ವ್ಯವಹಾರಗಳ ರಾಜ್ಯ ಸಚಿವ ಜನರಲ್ ವಿ.ಕೆ. ಸಿಂಗ್ ಮಾತನಾಡುತ್ತಾ: “ಪ್ರೊ. ಅಮರ್ತ್ಯ ಸೇನ್ ಅವರನ್ನು ಜುಲೈ 18, 2012 ರಂದು ಮೂರು ವರ್ಷಗಳ ಅವಧಿಗೆ ನಳಂದ ವಿಶ್ವವಿದ್ಯಾಲಯದ ಮೊದಲ ಕುಲಪತಿಯಾಗಿ ನೇಮಿಸಲಾಯಿತು. ಅವರ ಅಧಿಕಾರಾವಧಿ ಮುಗಿಯುತ್ತಿದ್ದಂತೆ, ಜುಲೈ 2015 ರ ನಂತರವೂ ಕುಲಪತಿಯಾಗಿ ವಿಸ್ತರಣೆಗೆ ಪರಿಗಣಿಸುವುದರಿಂದ ತಮ್ಮನ್ನು ಹೊರಗಿಡಲು ಬಯಸುವುದಾಗಿ ಪ್ರೊ. ಸೇನ್ ಸಾರ್ವಜನಿಕವಾಗಿ ಘೋಷಿಸಿದರು.” ಎಂದು ಸ್ಪಷ್ಟಪಡಿಸಿದರು.
ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಅವರ ಪುತ್ರಿಯರಾದ ದಮನ್ ಸಿಂಗ್ ಮತ್ತು ಉಪಿಂದರ್ ಸಿಂಗ್ ಅವರು ನಳಂದ ವಿಶ್ವವಿದ್ಯಾಲಯದೊಂದಿಗೆ ಯಾವುದೇ ಸಂಬಂಧವಿಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ. ಅವರು ವಿಶ್ವವಿದ್ಯಾಲಯದಲ್ಲಿ ಎಂದಿಗೂ ಕೆಲಸ ಮಾಡಿಲ್ಲ ಮತ್ತು ಯಾವುದೇ ಸಂಭಾವನೆ ಪಡೆದಿಲ್ಲ ಎಂದು ಹೇಳಿದ್ದಾರೆ. ಅಮರ್ತ್ಯ ಸೇನ್ ಕೂಡ ಈ ಹೇಳಿಕೆಗಳನ್ನು ನಿರಾಕರಿಸಿದ್ದಾರೆ. ಹೆಚ್ಚುವರಿಯಾಗಿ, 2016 ರಲ್ಲಿ ಹೊಸ ಸಮಿತಿ ರಚನೆಗೆ ಅಮರ್ತ್ಯ ಸೇನ್ ಒಳಗೊಂಡ ಭ್ರಷ್ಟಾಚಾರದ ಆರೋಪಗಳೇ ಕಾರಣ ಎಂದು ಸರ್ಕಾರದಿಂದ ಯಾವುದೇ ಅಧಿಕೃತ ಹೇಳಿಕೆ ಇದು ವರೆಗೆ ಬಂದಿಲ್ಲ.
ಒಟ್ಟಾರೆಯಾಗಿ ಹೇಳುವುದಾದರೆ, ಅಮರ್ತ್ಯ ಸೇನ್ ಮತ್ತು ಮನಮೋಹನ್ ಸಿಂಗ್ ಅವರ ಪುತ್ರಿಯರು ಜಂಟಿಯಾಗಿ ನಳಂದ ವಿಶ್ವವಿದ್ಯಾಲಯಕ್ಕೆ ಸಂಬಂಧಿಸಿದ ₹2730 ಕೋಟಿ ಹಣವನ್ನು ದುರುಪಯೋಗಪಡಿಸಿಕೊಂಡಿದ್ದಾರೆ ಎಂಬ ಆರೋಪಗಳು ಸುಳ್ಳು ಎಂದು ಈ ಮೂಲಕ ತಿಳಿದು ಬಂದಿದೆ.
