ನವೆಂಬರ್ 17, 2025 ರಂದು ಸೌದಿ ಅರೇಬಿಯಾದ ಮದೀನಾ ಬಳಿ ನಡೆದ ದುರಂತ ಬಸ್ ಅಪಘಾತದಲ್ಲಿ, ಡೀಸೆಲ್ ಟ್ಯಾಂಕರ್ ಡಿಕ್ಕಿ ಹೊಡೆದು ಬೆಂಕಿ ಹೊತ್ತಿಕೊಂಡ ನಂತರ, 45 ಭಾರತೀಯ ಉಮ್ರಾ ಯಾತ್ರಾರ್ಥಿಗಳು, ಮುಖ್ಯವಾಗಿ ತೆಲಂಗಾಣದವರು ಸಾವನ್ನಪ್ಪಿದ್ದಾರೆ. ಒಂದೇ ಕುಟುಂಬದ ಹೈದರಾಬಾದ್‌ನ ಹದಿನೆಂಟು ಸದಸ್ಯರು ಸಂತ್ರಸ್ತರಲ್ಲಿದ್ದರು. ಈ ಘಟನೆಯ ನಂತರ, ಸೇತುವೆಯು ಬೆಂಕಿಯಿಂದ ಆವೃತವಾಗಿರುವ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ಹರಿದಾಡಲು ಪ್ರಾರಂಭಿಸಿತು. ಇದು ಸೌದಿ ಅರೇಬಿಯಾದ ಅಪಘಾತದ ದೃಶ್ಯವನ್ನು ಎಂದು ಕ್ಲೈಮ್ ನಲ್ಲಿ ಹೇಳಲಾಗಿದೆ. ಇಂಡಿಯಾ ಟುಡೇ ಕೂಡ ನವೆಂಬರ್ 17, 2025 ರಂದು ಈ ವೀಡಿಯೊವನ್ನು ಪ್ರಸಾರ ಮಾಡಿ, ಇದನ್ನು ಮದೀನಾ ಬಸ್ ಅಪಘಾತದ ದೃಶ್ಯ ಎಂದು ತೋರಿಸಿದೆ. ಹಾಗಾದರೆ ಈ ಪೋಸ್ಟ್‌ನಲ್ಲಿ ಮಾಡಿದ ಕ್ಲೇಮ್ ಅನ್ನು ಪರಿಶೀಲಿಸೋಣ.
ಕ್ಲೇಮ್: ಈ ವೀಡಿಯೊದಲ್ಲಿ ಭಾರತೀಯ ಉಮ್ರಾ ಯಾತ್ರಾರ್ಥಿಗಳು ಪ್ರಾಣ ಕಳೆದುಕೊಂಡ 2025 ರ ಸೌದಿ ಅರೇಬಿಯಾದ ಮದೀನಾ ಬಳಿಯ ಬಸ್ ಅಪಘಾತವನ್ನು ತೋರಿಸುತ್ತದೆ.
ಫ್ಯಾಕ್ಟ್: ಈ ವೀಡಿಯೊ ಇತ್ತೀಚಿನ ಮದೀನಾ ಬಸ್ ಅಪಘಾತವನ್ನು ತೋರಿಸುವುದಿಲ್ಲ. ಇದು 2017 ರ ಘಟನೆಯಾಗಿದ್ದು, ಇದರಲ್ಲಿ ಅಭಾ ವನ್ನು ಸಂಪರ್ಕಿಸುವ ಶಾರ್ ಪರ್ವತ ಮಾರ್ಗದ ಒಂಬತ್ತನೇ ಸುರಂಗದ ಬಳಿಯ ಅಕಾಬಾ ಶಬಾರ್ ರಸ್ತೆಯಲ್ಲಿ 32 ಟನ್ ಇಂಧನ ಟ್ಯಾಂಕರ್ ಉರುಳಿಬಿದ್ದು ಬೆಂಕಿ ಹೊತ್ತಿಕೊಂಡ ಪರಿಣಾಮ ಚಾಲಕ ಸಾವನ್ನಪ್ಪಿದ್ದರು. ಹಾಗಾಗಿ, ಪೋಸ್ಟ್‌ನಲ್ಲಿ ಮಾಡಿದ ಕ್ಲೇಮ್ ತಪ್ಪು.
ವೈರಲ್ ವೀಡಿಯೊದಲ್ಲಿನ ಪ್ರಮುಖ ಫ್ರೇಮ್‌ಗಳ ರಿವರ್ಸ್ ಇಮೇಜ್ ಹುಡುಕಾಟವು ನಮ್ಮನ್ನು 2017 ರ ಹಲವು ಮಾಧ್ಯಮ ವರದಿಗಳಿಗೆ (ಇಲ್ಲಿ, ಇಲ್ಲಿ ಮತ್ತು ಇಲ್ಲಿ) ಕರೆದೊಯ್ಯಿತು, ಇದರಲ್ಲಿ ಇದೇ ದೃಶ್ಯಗಳಿವೆ. ಈ ವರದಿಗಳ ಪ್ರಕಾರ, ಅಭಾವನ್ನು ಸಂಪರ್ಕಿಸುವ ಶಾರ್ ಪರ್ವತ ಮಾರ್ಗದ ಒಂಬತ್ತನೇ ಸುರಂಗದ ಬಳಿಯ ಅಕಾಬಾ ಶಬಾರ್ ರಸ್ತೆಯಲ್ಲಿ 32 ಟನ್ ಇಂಧನ ಟ್ಯಾಂಕರ್ ಉರುಳಿಬಿದ್ದು, ಅದರ ಚಾಲಕ ಸುಟ್ಟು ಸಾವನ್ನಪ್ಪಿದ್ದಾರೆ. ಇದರಿಂದ, ಈ ವೈರಲ್ ವೀಡಿಯೊವು ಹಲವಾರು ಭಾರತೀಯ ಯಾತ್ರಾರ್ಥಿಗಳು ಸಾವನ್ನಪ್ಪಿದ್ದಾರೆ ಎಂದು ವರದಿಯಾದ ಇತ್ತೀಚಿನ ಸೌದಿ ಅರೇಬಿಯಾದ ಘಟನೆಯದಲ್ಲ ಎಂಬುದು ದೃಢವಾಗುತ್ತದೆ.
ಅನೇಕ ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಮಾಧ್ಯಮ ಸಂಸ್ಥೆಗಳು (ಇಲ್ಲಿ, ಇಲ್ಲಿ ಮತ್ತು ಇಲ್ಲಿ) ವರದಿ ಮಾಡಿದ ಉಮ್ರಾ ಯಾತ್ರಾರ್ಥಿಗಳ ಬಸ್ ಅಪಘಾತದ ಮೂಲ ದೃಶ್ಯಾವಳಿಗಳನ್ನು ಸಹ ನಾವು ಕಂಡುಕೊಂಡಿದ್ದೇವೆ. ಆದರೆ, ಅವುಗಳಲ್ಲಿ ಯಾವುದೂ ವೈರಲ್ ವೀಡಿಯೊಗೆ ಹೋಲಿಕೆಯಾಗುವುದಿಲ್ಲ.
ಕೊನೆಯದಾಗಿ ಹೇಳುವುದಾದರೆ, ಸೌದಿ ಅರೇಬಿಯಾದಲ್ಲಿ 2017 ರಲ್ಲಿ ನಡೆದ ಇಂಧನ ಟ್ಯಾಂಕರ್ ಅಪಘಾತದ ವೀಡಿಯೊವನ್ನು 2025 ರ ಮದೀನಾ ಬಸ್ ಅಪಘಾತಕ್ಕೆ ತಪ್ಪಾಗಿ ಲಿಂಕ್ ಮಾಡಲಾಗಿದೆ.
