ಮಾರ್ಚ್ 11, 2025 ರಂದು, ಪಾಕಿಸ್ತಾನದಲ್ಲಿ ಬಲೂಚಿಸ್ತಾನ್ ಲಿಬರೇಶನ್ ಆರ್ಮಿ (BLA) ದ ದಂಗೆಕೋರರು ಒಂದು ರೈಲನ್ನು (ಜಾಫರ್ ಎಕ್ಸ್‌ಪ್ರೆಸ್) ಹೈಜಾಕ್ (ಇಲ್ಲಿ, ಇಲ್ಲಿ ಮತ್ತು ಇಲ್ಲಿ) ಮಾಡಿದ್ದಾರೆ. ರೈಲು ಕ್ವೆಟ್ಟಾದಿಂದ ಪೇಶಾವರಕ್ಕೆ ಹೋಗುತ್ತಿದ್ದಾಗ ಅವರು ರೈಲ್ವೆ ಹಳಿಯನ್ನು ಸ್ಫೋಟಿಸಿ ಕನಿಷ್ಠ ಆರು ಮಿಲಿಟರಿ ಸಿಬ್ಬಂದಿಯನ್ನು ಕೊಂದಿದ್ದಾರೆ ಎಂದು ವರದಿಯಾಗಿದೆ (ಇಲ್ಲಿ). ರೈಲನ್ನು ಅಪಹರಿಸಿದ ಕನಿಷ್ಠ 27 ಭಯೋತ್ಪಾದಕರನ್ನು ಭದ್ರತಾ ಪಡೆಗಳು ಕೊಂದದಲ್ಲದೆ, 155 ಪ್ರಯಾಣಿಕರನ್ನು ರಕ್ಷಿಸಿದ್ದಾರೆ ಎಂದು ಸ್ಥಳೀಯ ಮಾಧ್ಯಮ ವರದಿಗಳು ತಿಳಿಸಿವೆ. ಇದರ ನಡುವೆ, ಹೈಜಾಕ್ ಮಾಡಿದ ರೈಲಿನ ದೃಶ್ಯಗಳನ್ನು ತೋರಿಸುವುದಾಗಿ ಹೇಳಿಕೊಳ್ಳುವ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ (ಇಲ್ಲಿ). ABP ಲೈವ್‌ನಂತಹ ಮಾಧ್ಯಮ ಸಂಸ್ಥೆಗಳು ಈ ಘಟನೆಗೆ ಸಂಬಂಧಿಸಿದ ತಮ್ಮ ವರದಿಯಲ್ಲಿ ಈ ವೀಡಿಯೊದ ಸ್ಕ್ರೀನ್‌ಶಾಟ್ ಅನ್ನು ಸಹ ಬಳಸಿಕೊಂಡಿವೆ.
ಕ್ಲೇಮ್: 11 ಮಾರ್ಚ್ 2025 ರಂದು ಪಾಕಿಸ್ತಾನದಲ್ಲಿ ಬಲೂಚಿಸ್ತಾನ್ ಲಿಬರೇಶನ್ ಆರ್ಮಿ (ಬಿಎಲ್‌ಎ) ಅಪಹರಿಸಿದ ಜಾಫರ್ ಎಕ್ಸ್‌ಪ್ರೆಸ್ ರೈಲಿನ ವೀಡಿಯೊ.
ಫ್ಯಾಕ್ಟ್: ಇದು ಹಳೆಯ ವೀಡಿಯೊ, ಸುಮಾರು ಏಪ್ರಿಲ್ 2022 ರಿಂದ ಇದು ಆನ್‌ಲೈನ್‌ನಲ್ಲಿ ಲಭ್ಯವಿದೆ. ಮಾರ್ಚ್ 2025 ರಲ್ಲಿ ಪಾಕಿಸ್ತಾನದಲ್ಲಿ ನಡೆದ ಜಾಫರ್ ಎಕ್ಸ್‌ಪ್ರೆಸ್‌ನ ಹೈಜಾಕ್ ಗೂ ಇದಕ್ಕೂ ಸಂಬಂಧಿಸಿಲ್ಲ. ಆದ್ದರಿಂದ, ಪೋಸ್ಟ್ನಲ್ಲಿ ಮಾಡಲಾದ ಕ್ಲೇಮ್ ಸುಳ್ಳಾಗಿದೆ.
ಈ ವೀಡಿಯೊದ ಸತ್ಯಾಸತ್ಯತೆಯನ್ನು ಪರಿಶೀಲಿಸುವಾಗ, ಇದು ಹಳೆಯ ವೀಡಿಯೊ ಎಂದು ಗುರುತಿಸುವ ಕೆಲವು ಕಾಮೆಂಟ್‌ಗಳು ನಮಗೆ ಕಂಡುಬಂದವು. ಜಾಫರ್ ಎಕ್ಸ್‌ಪ್ರೆಸ್ ಹೈಜಾಕ್ ಘಟನೆಯ ಸುದ್ದಿಯೊಂದಿಗೆ ಈ ವೀಡಿಯೊವನ್ನು ಹಂಚಿಕೊಂಡ ಮಿಷನ್ ತಕ್ಮೀಲ್ ಎಂಬ ಯೂಸರ್ ಮಾಡಿದ X ಪೋಸ್ಟ್ ಅನ್ನು ಸಹ ನಾವು ಕಂಡುಕೊಂಡಿದ್ದೇವೆ. ಈ ಪೋಸ್ಟ್‌ನಲ್ಲಿರುವ ಕಾಮೆಂಟ್‌ನಲ್ಲಿ ಮಿಷನ್ ತಕ್ಮೀಲ್ ಇದು ಹಳೆಯ ವೀಡಿಯೊ ಮತ್ತು ಪ್ರಾತಿನಿಧ್ಯ ಉದ್ದೇಶಗಳಿಗಾಗಿ ಹಂಚಿಕೊಂಡಿದ್ದೇನೆ ಎಂದು ಹೇಳಿವೆ.
X ನಲ್ಲಿ ಫಿಯರ್ ಫೈಟರ್ ಎಂಬ ಮತ್ತೊಬ್ಬ ಯೂಸರ್ ವೈರಲ್ ವೀಡಿಯೊದ ಪೋಸ್ಟ್ನಲ್ಲಿ ಅದೇ ವೀಡಿಯೊದ ಈ ವೀಡಿಯೊದ ಲಾಂಗ್ ವರ್ಷನ್ ಪೋಸ್ಟ್ ಮಾಡಿದ್ದಾರೆ. ಹಾಗಾಗಿ ಇದು ಹಳೆಯ ವೀಡಿಯೊ ಎಂದು ಹೇಳಿದ್ದಾರೆ.
ಇದನ್ನು ಸುಳಿವಾಗಿ ತೆಗೆದುಕೊಂಡು, ನಾವು ಕೀವರ್ಡ್ ಹುಡುಕಾಟ ನಡೆಸಿದಾಗ ವೈರಲ್ ವೀಡಿಯೊವನ್ನು ಹೊಂದಿರುವ X ಪೋಸ್ಟ್ (ಆರ್ಕೈವ್ ಲಿಂಕ್) ಕಂಡುಬಂದಿದೆ. ಇದನ್ನು ಏಪ್ರಿಲ್ 15, 2022 ರಂದು ಪೋಸ್ಟ್ ಮಾಡಲಾಗಿದ್ದು, ಅದರಲ್ಲಿ ‘ಬಲೂಚಿಸ್ತಾನದ ಸಿಬ್ಬಿ ಬಳಿ FC (ಫ್ರಾಂಟಿಯರ್ ಕಾರ್ಪ್ಸ್) ಸಾಗಿಸುತ್ತಿದ್ದ ರೈಲಿನ ಮೇಲೆ IED ದಾಳಿಯ ದೃಶ್ಯಾವಳಿಯನ್ನು BLA ಬಿಡುಗಡೆ ಮಾಡಿದೆ’ ಎಂದು ಬರೆಯಲಾಗಿದೆ.
ಇದರ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ನಾವು ಮತ್ತೊಂದು ಕೀವರ್ಡ್ ಹುಡುಕಾಟವನ್ನು ನಡೆಸಿದಾಗ ಮಾರ್ಚ್ 2022 ರ ಪಾಕಿಸ್ತಾನದ ಸಿಬಿ ಜಿಲ್ಲೆಯಲ್ಲಿ 15 ಮಾರ್ಚ್ 2022 ರಂದು ಸಂಭವಿಸಿದ ಐಇಡಿ ಸ್ಫೋಟ ಘಟನೆಯ ಕುರಿತು ಕೆಲವು ಸುದ್ದಿ ವರದಿಗಳನ್ನು (ಇಲ್ಲಿ, ಇಲ್ಲಿ ಮತ್ತು ಇಲ್ಲಿ) ಕಂಡುಕೊಂಡೆವು.
ಈ ಸ್ಫೋಟದ ಹೊಣೆಯನ್ನು ಬಿಎಲ್‌ಎ ವಹಿಸಿಕೊಂಡಿದೆ ಎಂದು ವರದಿಯಾಗಿದೆ. ಆದರೆ, ಈ ಸುದ್ದಿ ವರದಿಗಳು ಏಪ್ರಿಲ್ 2022 ರಂದು ಪೋಸ್ಟ್ ಮಾಡಲಾದ ವೀಡಿಯೊದಲ್ಲಿ ಕಂಡುಬರುವ ದೃಶ್ಯಗಳನ್ನು ಒಳಗೊಂಡಿಲ್ಲ. ಆದ್ದರಿಂದ, ವೀಡಿಯೊ ಈ ಘಟನೆಗೆ ಸಂಬಂಧಿಸಿದೆಯೇ ಎಂದು ನಾವು ಸ್ವತಂತ್ರವಾಗಿ ಖಚಿತಪಡಿಸಲು ಸಾಧ್ಯವಾಗಲಿಲ್ಲ.
ಹೆಚ್ಚುವರಿಯಾಗಿ ಹೇಳುವುದಾದರೆ, ವೈರಲ್ ವೀಡಿಯೊದಲ್ಲಿ ಕಂಡುಬರುವ ದೃಶ್ಯಗಳನ್ನು ಸೆಪ್ಟೆಂಬರ್ 12, 2022 ರಂದು ‘ನ್ಯೂಸ್ 9 ಪ್ಲಸ್’ X ಪೋಸ್ಟ್ನಲ್ಲಿ ಮಾಡಿದ ವೀಡಿಯೊ ಸ್ಟೋರಿಯನ್ನು ನಾವು ಕಂಡುಕೊಂಡಿದ್ದೇವೆ. ಈ ವೀಡಿಯೊದಲ್ಲಿ ಸುಮಾರು 0:05 ಗಂಟೆಗೆ, ವೈರಲ್ ವೀಡಿಯೊದ ದೃಶ್ಯವನ್ನು ನಾವು ನೋಡಬಹುದು. ಈ ಎಲ್ಲಾ ಪುರಾವೆಗಳು ವೈರಲ್ ವೀಡಿಯೊವು ಮಾರ್ಚ್ 11, 2025 ರಂದು ಪಾಕಿಸ್ತಾನದಲ್ಲಿ ಜಾಫರ್ ಎಕ್ಸ್‌ಪ್ರೆಸ್ ಹೈಜಾಕ್ ಕ್ಕಿಂತ ಹಳೆಯದಾಗಿದ್ದು, ಅದಕ್ಕೆ ಸಂಬಂಧಿಸಿಲ್ಲ ಎಂಬುದನ್ನು ಸ್ಪಷ್ಟವಾಗಿದೆ.
ಒಟ್ಟಾರೆಯಾಗಿ ಹೇಳುವುದಾದರೆ, 2022 ರ ಹಳೆಯ ವೀಡಿಯೊವನ್ನು ಮಾರ್ಚ್ 2025 ರ ಪಾಕಿಸ್ತಾನ ರೈಲು ಹೈಜಾಕ್ ಘಟನೆಯ ದೃಶ್ಯಗಳೆಂದು ತಪ್ಪಾಗಿ ಹಂಚಿಕೊಳ್ಳಲಾಗುತ್ತಿದೆ.
