ఫొటోలోని హనుమాన్ విగ్రహం దొరికింది అయోధ్యలో కాదు, మధ్యప్రదేశ్ లోని భోపాల్ జిల్లాలో

ఫేస్బుక్ లో ఒక ఫోటో ని పెట్టి ‘అయోధ్యలో ముస్లీములకు ఇచ్చే 5 ఎకరాల భూమిలో పురాతనమైన హనుమాన్ విగ్రహం దొరికింది’ అని పోస్టు చేస్తున్నారు. పోస్టులో చెప్పినదాంట్లో ఎంతవరకు నిజముందో పరిశీలిద్దాం.

క్లెయిమ్: ఫొటోలోని హనుమాన్ విగ్రహం అయోధ్య (ఉత్తర్ ప్రదేశ్) లో దొరికింది.

ఫాక్ట్ (నిజం): ఫొటోలోని హనుమాన్ విగ్రహం మధ్యప్రదేశ్ లోని భోపాల్ జిల్లాలో దొరికింది. కావున, పోస్టులో చెప్పింది తప్పు.

‘అయోధ్య మందిర్-మసీద్’ కేసులో సుప్రీమ్ కోర్టు ఇచ్చిన తీర్పులో సున్నీ వక్ఫ్ బోర్డు కి అయోధ్య లో 5 ఎకరాల భూమిని కేంద్ర ప్రభుత్వం లేదా ఉత్తర ప్రదేశ్ రాష్ట్ర ప్రభుత్వం ఇవ్వాల్సిందిగా ఆదేశాలు ఇచ్చింది.  అంతే కాదు, ఆ 5 ఎకరాలు ఎక్కడ ఇచ్చేది ఇంకా ప్రభుత్వం చెప్పలేదు.

పోస్టులో ఉన్న ఫోటోని ‘हनुमान प्रतिमा खुदाई’ అనే ఫిల్టర్ తో గూగుల్ రివర్స్ ఇమేజ్ సెర్చ్ చేసినప్పుడు, అందుకు సంబంధించిన చాలా సెర్చ్ రిజల్ట్స్ వచ్చాయి. ఒక సెర్చ్ రిజల్ట్ లో ఆ ఫోటో యొక్క పూర్తి ఫోటో లభించింది. కానీ, దాంట్లో ఆ ఫోటోకి సంబంధించిన సమాచారం ఏమీ లేదు. 

ఆ సెర్చ్ రిజల్ట్స్ లో ‘Dainik Bhaskar’ వారి లింక్ కూడా ఉంది. ఆ లింక్ లోని కథనం మధ్యప్రదేశ్ లోని భోపాల్ జిల్లాలో హనుమాన్ విగ్రహం దొరకడంకి సంబంధించింది. దాంతో, గూగుల్ లో ‘Madhya pradesh bhopal hanuman ancient statue excavated’ అని వెతికినప్పుడు, ‘Patrika’ వారు July 13, 2019 న ప్రచురించిన కథనం సెర్చ్ రిజల్ట్స్ లో వచ్చింది. ఆ కథనం లో పైన ఫొటోలాంటిదే మరొక ఫోటో ఉంది. ఆ కథనంలో ఉన్న సమాచారం ద్వారా మధ్యప్రదేశ్ లోని భోపాల్ జిల్లా అబ్దుల్లాహ్ గ్రామంలోని ఒక పొలంలో మొక్కలు నాటడానికి తవ్వక్కాలు జరుపుతున్నప్పుడు హనుమాన్ విగ్రహం దొరికిందని తెలిసింది.

అంతే కాదు, ఆ 5 ఎకరాలు ఎక్కడ ఇచ్చేది ఇంకా ప్రభుత్వం చెప్పలేదు. అలాంటప్పుడు ముస్లింలకు ఇచ్చే 5 ఎకరాల్లో దొరికింది అనడం కూడా తప్పుడు వార్తే.

చివరగా, ఫొటోలోని హనుమాన్ విగ్రహం దొరికింది అయోధ్యలో కాదు, మధ్యప్రదేశ్ లోని భోపాల్ జిల్లాలో.

ఏది ఫేక్, ఏది నిజం సిరీస్ లో మా వీడియోస్ మీరు చూసారా?