AIMIM అధినేత అసదుద్దీన్ ఒవైసీ హనుమాన్ ఆలయంలో హారతి ఇస్తున్న దృశ్యాలంటూ AI ద్వారా రూపొందించిన వీడియోను షేర్ చేస్తున్నారు

• Nitish Kumar Dhonge

AIMIM అధినేత అసదుద్దీన్ ఒవైసీ హనుమాన్ ఆలయంలో హారతి నిర్వహిస్తున్న దృశ్యాలను చూపిస్తున్న వీడియో ఒకటి సోషల్ మీడియాలో వైరల్ అవుతోంది (ఇక్కడ, ఇక్కడ, & ఇక్కడ). ఈ వీడియో నిజమైన సంఘటనను చూపిస్తున్నట్లు పలువురు యూజర్లు షేర్ చేస్తున్నారు. ఈ కథనం ద్వారా అందులో ఎంత నిజముందో చూద్దాం.

క్లెయిమ్: AIMIM అధినేత అసదుద్దీన్ ఒవైసీ హనుమాన్ ఆలయంలో హారతి నిర్వహిస్తున్న దృశ్యాలు. 

ఫాక్ట్(నిజం): ఈ వైరల్ వీడియో నిజమైన దృశ్యాలను చూపించడం లేదు. ఈ వీడియో ఆర్టిఫిషియల్ ఇంటెలిజెన్స్ (AI) ఉపయోగించి రూపొందించబడింది. ఈ దృశ్యాలు AI ద్వారా రూపొందించబడ్డాయని AI-డిటెక్షన్ టూల్స్ నిర్థారించాయి. AIMIM అధినేత అసదుద్దీన్ ఒవైసీ హనుమాన్ ఆలయంలో హారతి నిర్వహించారని చెప్పడానికి ఎటువంటి విశ్వసనీయ రిపోర్ట్స్/ఆధారలు లేవు. కావున పోస్టు ద్వారా చెప్పేది తప్పు.

ముందుగా, వైరల్ వీడియోలో పేర్కొన్నట్లుగా AIMIM అధినేత అసదుద్దీన్ ఒవైసీ హనుమాన్ ఆలయంలో హారతి నిర్వహించారా? అని తెలుసుకోవడానికి తగిన కీవర్డ్స్ ఉపయోగించి ఇంటర్నెట్‌లో వెతకగా ఎటువంటి విశ్వసనీయ రిపోర్ట్స్/ఆధారలు లభించలేదు.

ఈ వైరల్ వీడియోను జాగ్రతగా పరిశీలిస్తే, వీడియోలో ‘Gemini AI’ లోగో వాటర్‌మార్క్‌ను మనం చూడవచ్చు. ఈ వాటర్‌మార్క్‌ ఈ వైరల్ వీడియోను గూగుల్ వారి ‘Gemini AI’ మోడల్‌ను ఉపయోగించి రూపొందించబడిందని సూచిస్తుంది. 

తదుపరి, ఈ వైరల్ వీడియో AI- ఉపయోగించి తయారు చేసిందా? లేదా? అని నిర్ధారించడానికి, సింథ్ ID, Hive వంటి పలు AI-జనరేటెడ్ కంటెంట్ డిటెక్టింగ్ టూల్స్ ఉపయోగించి ఈ వైరల్ వీడియోను పరిశీలించగా, రెండు AI-డిటెక్షన్ టూల్స్ ఈ వైరల్ వీడియో AI ద్వారా రూపొందించబడిందని సూచించాయి.

చివరిగా, AIMIM అధినేత అసదుద్దీన్ ఒవైసీ హనుమాన్ ఆలయంలో హారతి నిర్వహిస్తున్న దృశ్యాలంటూ AI ద్వారా రూపొందించిన వీడియోను షేర్ చేస్తున్నారు.