జనతా కర్ఫ్యూ రోజు తీసిన ఫోటోని, సూర్యగ్రహణం రోజు ఖాళీగా ఉన్న రోడ్లు అని షేర్ చేస్తున్నారు

• Dilip Kumar Sripada

‘సూర్య గ్రహణం పై ఉన్నంత భయం, ప్రజలకు కరోన వ్యాధి పైలేదు’ అని అర్ధం వచ్చేలా ఒక పోస్ట్ సోషల్ మీడియాలో వైరల్ అవుతోంది. ఆ పోస్టులో ఎంతవరకు నిజముందో తెలుసుకుందాం.

క్లెయిమ్: కరోనా వైరస్ సమయంలో రద్దీగా ఉన్న రోడ్లు, సూర్య గ్రహణం రోజ ఖాళీగా ఉన్న ఫోటో. 

ఫాక్ట్ (నిజం): ): పోస్టులో ఉన్న ఫోటోలు కరోనా వైరస్ మరియు సూర్య గ్రహణం సమయంలో తీసినవి కావు. రోడ్లు రద్దీగా ఉన్న ఫోటో కరోనా వ్యాప్తి కంటే ముందు 5 ఫిబ్రవరి 2020న తీస్తే, ఖాళీగా ఉన్న ఫోటో జనతా కర్ఫ్యూ రోజు, 22 మర్చి 2020న తీశారు. కావున పోస్ట్ లోని క్లెయిమ్ తప్పు.

పోస్టులో షేర్ చేసిన ఫోటోలని రివర్స్ ఇమేజ్ సెర్చ్ చేయగా, ఈ ఫోటోలు 21 జూన్ 2020 నాడు వచ్చిన సుర్యగ్రహనానికి సంభందించినవి కావు, అని తెలిసింది. ఈ ఫోటోలు 22 మార్చ్ 2020 నాడు విధించిన జనతా కర్ఫ్యూ కి సంబంధించినవిగా, మంజునాథ్ కిరణ్ అనే బెంగుళూరుకి చెందిన ఫోటోగ్రాఫర్ ఈ ఫోటోలు చిత్రీకరించినట్టు ‘getty images’లో ఇచ్చిన వివరణ ద్వారా తెలిసింది. మార్చ్ 22 నాడు, భారత ప్రభుత్వం కరోన వ్యాప్తి నివారించడానికి దేశంలో జనతా కర్ఫ్యూ ప్రకటించింది. దీనికి సంఘీభావం తెలుపుతూ ప్రజలందరూ ఆ రోజు తమ తమ ఇళ్లకే పరిమితమయ్యారు. ఎప్పుడు ట్రాఫిక్ తో రద్దీగా ఉండే బెంగుళూరు లోని ఒక రోడ్డు జనతా కర్ఫ్యూ కారణంగా నిర్మానుష్యంగా మారిందంటూ మంజునాథ్ ఈ ఫోటోలను షేర్ చేసారు.

చివరగా, జనతా కర్ఫ్యూ రోజు నిర్మానుష్యంగా ఉన్న రోడ్ల ఫోటోలని సూర్యగ్రహణం రోజు ఖాళీగా ఉన్న రోడ్లని షేర్ చేస్తున్నారు.

‘మీకు తెలుసా’ సిరీస్ లో మా వీడియోస్ మీరు చూసారా?