1982 ರ 9ನೇ ಏಷ್ಯನ್ ಗೇಮ್ಸ್, ಸಂದರ್ಭದಲ್ಲಿ ಬಿಡುಗಡೆಯಾದ ಅಂಚೆಚೀಟಿ ಯಾವುದೇ ಧಾರ್ಮಿಕ ಅರ್ಥವನ್ನು ಹೊಂದಿಲ್ಲ
ಒಟ್ಟೋಮನ್ ಮುಸ್ಲಿಂ ಕುಸ್ತಿಪಟು ಹಿಂದೂ ಕುಸ್ತಿಪಟುವನ್ನು ಸೋಲಿಸುವ ಸ್ಟಾಂಪ್ ಅನ್ನು 1982 ರಲ್ಲಿ ಏಷ್ಯನ್ ಗೇಮ್ಸ್‌ಗಾಗಿ ಇಂದಿರಾ ಗಾಂಧಿ ಅವರು ಬಿಡುಗಡೆ ಮಾಡಿದ್ದಾರೆ ಎಂದು ಹೇಳುವ ಪೋಸ್ಟ್ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿದೆ. ಪೋಸ್ಟ್‌ನಲ್ಲಿ ಮಾಡಿದ ಕ್ಲೈಮ್ ಅನ್ನು ಪರಿಶೀಲಿಸೋಣ.
ಕ್ಲೇಮ್ : 1982 ರಲ್ಲಿ ಏಷ್ಯನ್ ಗೇಮ್ಸ್‌ಗಾಗಿ ಇಂದಿರಾ ಗಾಂಧಿ ಅಂಚೆಚೀಟಿ ಬಿಡುಗಡೆ ಮಾಡಿದ್ದು, ಇದು ಒಟ್ಟೋಮನ್ ಮುಸ್ಲಿಂ ಕುಸ್ತಿಪಟು ಹಿಂದೂ ಕುಸ್ತಿಪಟುವನ್ನು ಸೋಲಿಸುವುದನ್ನು ಚಿತ್ರಿಸುತ್ತದೆ.
ಫ್ಯಾಕ್ಟ್ : ಅಂಚೆ ಚೀಟಿಯನ್ನು 1982ರಲ್ಲಿ 9ನೇ ಏಷ್ಯನ್ ಕ್ರೀಡಾಕೂಟದ ಸಂದರ್ಭದಲ್ಲಿ ಬಿಡುಗಡೆ ಮಾಡಲಾಯಿತು.ಆದರೆ, ಅಂಚೆಚೀಟಿಯಲ್ಲಿ ಕುಸ್ತಿಪಟುಗಳ ಧರ್ಮವನ್ನು ಎಲ್ಲಿಯೂ ಉಲ್ಲೇಖಿಸಲಾಗಿಲ್ಲ. ಆದ್ದರಿಂದ, ಪೋಸ್ಟ್‌ನಲ್ಲಿ ಮಾಡಿದ ಕ್ಲೇಮ್ ತಪ್ಪಾಗಿದೆ.
ಸ್ಟಾಂಪ್‌ನ ಹಿಮ್ಮುಖ ಚಿತ್ರ ಹುಡುಕಾಟವನ್ನು ನಡೆಸಿದಾಗ, ಒಲಿಂಪಿಕ್ ಕೌನ್ಸಿಲ್ ಆಫ್ ಏಷ್ಯಾ ಮತ್ತು ಸ್ಟ್ಯಾಂಪ್ ವರ್ಲ್ಡ್‌ನ ವೆಬ್‌ಸೈಟ್‌ನಲ್ಲಿ ಪ್ರಕಟವಾದ ಅದೇ ಪೋಸ್ಟಲ್ ಸ್ಟಾಂಪ್ ಅನ್ನು ನಾವು ಕಂಡುಕೊಂಡಿದ್ದೇವೆ. 1982 ರಲ್ಲಿ ನವದೆಹಲಿಯಲ್ಲಿ ನಡೆದ 9 ನೇ ಏಷ್ಯನ್ ಕ್ರೀಡಾಕೂಟದ ನೆನಪಿಗಾಗಿ 1982 ರಲ್ಲಿ ಬಿಡುಗಡೆಯಾದ ಅಂಚೆ ಚೀಟಿಗಳಲ್ಲಿ ಇದೂ ಒಂದಾಗಿದೆ.
ನಂತರದ ಸಂಶೋಧನೆಯು ಅಂಚೆ ಚೀಟಿಗಳ ಆನ್‌ಲೈನ್ ಆರ್ಕೈವ್ ಇಸ್ಟಂಪ್‌ಗ್ಯಾಲರಿಯಲ್ಲಿನ ಸ್ಟಾಂಪ್‌ನ ವಿವರಣೆಗೆ ನಮ್ಮನ್ನು ಕರೆದೊಯ್ಯಿತು. ಅಂಚೆಚೀಟಿಯು ಪ್ರಧಾನ ಪರ್ಷಿಯನ್ ಪ್ರಭಾವವನ್ನು ಹೊಂದಿರುವ ಮೊಘಲ್ ಶೈಲಿಯ ವರ್ಣಚಿತ್ರವಾಗಿದೆ. ಜಾನಕಿ ಅವರು ಮಾಡಿದ ವರ್ಣಚಿತ್ರವನ್ನು ಆಧರಿಸಿ ಇದನ್ನು ಎ. ರಾಮಚಂದ್ರನ್ ಅವರು ವಿನ್ಯಾಸಗೊಳಿಸಿದ್ದಾರೆ, ಅದನ್ನು ಈಗ ನವದೆಹಲಿಯ ರಾಷ್ಟ್ರೀಯ ವಸ್ತುಸಂಗ್ರಹಾಲಯದಲ್ಲಿ ಸಂರಕ್ಷಿಸಲಾಗಿದೆ.
ಮೂಲಗಳ ಪ್ರಕಾರ ಇಲ್ಲಿರುವ ವಿವರಣೆಯು ವೆಬ್‌ಸೈಟ್‌ನಲ್ಲಿನ ಸ್ಟಾಂಪ್‌ನಲ್ಲಿ ಚಿತ್ರಿಸಲಾದ ವ್ಯಕ್ತಿಗಳ ಧರ್ಮವನ್ನು ಉಲ್ಲೇಖಿಸಿಲ್ಲ ಮತ್ತು ವಿನ್ಯಾಸಕ ಎ. ರಾಮಚಂದ್ರನ್ ಅವರ ವೆಬ್‌ಸೈಟ್‌ನಲ್ಲಿ ಸ್ಟಾಂಪ್‌ಗೆ ಸಂಬಂಧಿಸಿದಂತೆ ಯಾವುದೇ ಧರ್ಮವನ್ನು ಉಲ್ಲೇಖಿಸಿಲ್ಲ. ಈ ಅಂಚೆಚೀಟಿಯ ಹೊರತಾಗಿ, 1982 ರಲ್ಲಿ ಏಷ್ಯನ್ ಕ್ರೀಡಾಕೂಟದ ಸಂದರ್ಭದಲ್ಲಿ ಅನೇಕ ಅಂಚೆ ಚೀಟಿಗಳನ್ನು ಬಿಡುಗಡೆ ಮಾಡಲಾಯಿತು.
ಒಟ್ಟಾರೆಯಾಗಿ ಹೇಳುವುದಾದರೆ, 1982 ರ , 9ನೇ ಏಷ್ಯನ್ ಗೇಮ್ಸ್ ಸಂದರ್ಭದಲ್ಲಿ ಬಿಡುಗಡೆಯಾದ ಸ್ಟಾಂಪ್‌ಗೆ ಯಾವುದೇ ಧಾರ್ಮಿಕ ಅರ್ಥವನ್ನು ನೀಡುತ್ತಿಲ್ಲ.