ಢಾಕಾದಲ್ಲಿ ಬಾಂಗ್ಲಾದೇಶದ ಬಾವುಟ ಮಾರುತ್ತಿದ್ದ ವ್ಯಕ್ತಿಗೆ ಸೇನಾ ಸಿಬ್ಬಂದಿ ಥಳಿಸುವ ವೀಡಿಯೊವನ್ನು ಪಶ್ಚಿಮ ಬಂಗಾಳದ ಘಟನೆ ಎಂದು ತಪ್ಪಾಗಿ ಹಂಚಿಕೊಳ್ಳಲಾಗುತ್ತಿದೆ
ಬಾಂಗ್ಲಾದೇಶದ ಬಾವುಟವನ್ನು ಬೀದಿ ವ್ಯಾಪಾರಿಯೊಬ್ಬ ಮಾರಾಟ ಮಾಡುತ್ತಿರುವಾಗ ಸೇನಾ ಸಿಬ್ಬಂದಿ ಕ್ರೂರವಾಗಿ ಥಳಿಸುತ್ತಿರುವುದನ್ನು ತೋರಿಸುವ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ (ಇಲ್ಲಿ) ಆಗುತ್ತಿದ್ದು, ಈ ಘಟನೆ ಪಶ್ಚಿಮ ಬಂಗಾಳದಲ್ಲಿ ನಡೆದಿದ್ದು, ಮಾರಾಟಗಾರ ಬಾಂಗ್ಲಾದೇಶದ ಧ್ವಜಗಳನ್ನು ಮಾರಾಟ ಮಾಡಲು ಪ್ರಯತ್ನಿಸುತ್ತಿದ್ದ ಎನ್ನಲಾಗಿದೆ. ಹಾಗಾದರೆ ಈ ಪೋಸ್ಟ್ ನಲ್ಲಿ ಮಾಡಲಾದ ಕ್ಲೇಮ್ ಅನ್ನು ಪರಿಶೀಲಿಸೋಣ.
ಕ್ಲೇಮ್: ಪಶ್ಚಿಮ ಬಂಗಾಳದಲ್ಲಿ ಬಾಂಗ್ಲಾದೇಶಿ ಮಾರಾಟ ಮಾಡುತ್ತಿದ್ದದಕ್ಕೆ ಆತನನ್ನು ಥಳಿಸಿ ಬಂಧಿಸಲಾಗುತ್ತಿರುವುದನ್ನು ವೀಡಿಯೊ ತೋರಿಸುತ್ತದೆ.
ಫ್ಯಾಕ್ಟ್: ಈ ಘಟನೆ ನಡೆದದ್ದು ಪಶ್ಚಿಮ ಬಂಗಾಳದಲ್ಲಿ ಅಲ್ಲ, ಬಾಂಗ್ಲಾದೇಶದಲ್ಲಿ. ಹಮ್ಜಾ ಎಂಬ ಧ್ವಜ ಮಾರಾಟಗಾರ, ಜೂನ್ 10, 2025 ರಂದು ಢಾಕಾದ ಬಾಂಗ್ಲಾದೇಶ ರಾಷ್ಟ್ರೀಯ ಕ್ರೀಡಾಂಗಣದ ಹೊರಗೆ ನಡೆದ ಅವ್ಯವಸ್ಥೆಯ ಸಮಯದಲ್ಲಿ ಸೇನಾ ಸಿಬ್ಬಂದಿಯಿಂದ ಆಕಸ್ಮಿಕವಾಗಿ ಥಳಿಸಲ್ಪಟ್ಟನು. ನಂತರ ಸೇನೆಯು ಕ್ಷಮೆಯಾಚಿಸಿ ಆತನಿಗೆ ಒಂದು ಲಕ್ಷ ಟಾಕಾ ಪರಿಹಾರವನ್ನು ನೀಡಿತು. ಆದ್ದರಿಂದ ಈ ಕ್ಲೇಮ್ ಸುಳ್ಳು.
ಇದರ ಹಿಂದಿನ ಸತ್ಯವನ್ನು ಕಂಡುಹಿಡಿಯಲು ನಾವು ವೀಡಿಯೊವನ್ನು ಸೂಕ್ಷ್ಮವಾಗಿ ಪರಿಶೀಲಿಸಿದ್ದೇವೆ. ಸೇನಾ ವ್ಯಕ್ತಿ ಮಾರಾಟಗಾರನನ್ನು ಹೊಡೆಯುತ್ತಿರುವ ವೀಡಿಯೊದಲ್ಲಿ, ಹಿನ್ನೆಲೆಯಲ್ಲಿ ಒಂದು ಗೋಡೆಯ ಮೇಲೆ ಬಂಗಾಳಿ ಭಾಷೆಯಲ್ಲಿ “বইয়ে বইয়ে সয়লাব হোক ৫৬ হাজার” ಎಂದು ಬರೆಯಲಾದ ಜಾಹೀರಾತನ್ನು ತೋರಿಸಲಾಗಿದೆ – ಇದು ಭಾರತವಲ್ಲ ಬದಲಿಗೆ ಬಾಂಗ್ಲಾದೇಶದ ಅತಿದೊಡ್ಡ ಆನ್‌ಲೈನ್ ಪುಸ್ತಕ ಅಂಗಡಿಯಾದ ರೊಕೊಮರಿ ವೆಬ್‌ಸೈಟ್‌ನಿಂದ ಪುಸ್ತಕಗಳನ್ನು ಆರ್ಡರ್ ಮಾಡಲು ಜನರಲ್ಲೂ ಪ್ರಚೋದಿಸುತ್ತಿರುವ ಜಾಹೀರಾತಾಗಿದೆ. ಈ ಜಾಹೀರಾತು ಮೂಲಕ ವೀಡಿಯೊ ಪಶ್ಚಿಮ ಬಂಗಾಳದಿಂದಲ್ಲ, ಬಾಂಗ್ಲಾದೇಶದಿಂದ ಬಂದಿದೆ ಸ್ಪಷ್ಟವಾಗುತ್ತದೆ.
ನಂತರ ನಾವು ಗೂಗಲ್‌ನಲ್ಲಿ ರಿವರ್ಸ್ ಇಮೇಜ್ ಹುಡುಕಾಟ ನಡೆಸಿದ್ದೇವೆ. ಇದು ವೈರಲ್ ಕ್ಲಿಪ್ ಅನ್ನು ಒಳಗೊಂಡಿರುವ ಬಾಂಗ್ಲಾದೇಶದ ಹಲವಾರು ಯೂಟ್ಯೂಬ್ ಸುದ್ದಿ ವರದಿಗಳಿಗೆ ನಮ್ಮನ್ನು ಕರೆದೊಯ್ಯಿತು (ಇಲ್ಲಿ, ಇಲ್ಲಿ ಮತ್ತು ಇಲ್ಲಿ). ಬಾಂಗ್ಲಾದೇಶ ಮಾಧ್ಯಮಗಳ ಪ್ರಕಾರ, ಈ ಘಟನೆ ಸಿಂಗಾಪುರ vs ಬಾಂಗ್ಲಾದೇಶ ಪಂದ್ಯದ ಸಮಯದಲ್ಲಿ ಬಾಂಗ್ಲಾದೇಶ ರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆದಿದೆ. ವೀಡಿಯೊದಲ್ಲಿರುವ ವ್ಯಕ್ತಿ ಧ್ವಜ ಮಾರಾಟಗಾರನಾಗಿದ್ದು, ಸೇನಾ ಸಿಬ್ಬಂದಿ ಅವನಿಗೆ ಒಂದು ಲಕ್ಷ ಬಾಂಗ್ಲಾದೇಶದ ಟಕಾವನ್ನು ಪರಿಹಾರವಾಗಿ ನೀಡಿ, ಘಟನೆಗೆ ಸಾರ್ವಜನಿಕವಾಗಿ ಕ್ಷಮೆಯಾಚಿಸಿದರು ಎಂದು ವರದಿಗಳು ಹೇಳುತ್ತವೆ.
ಹೆಚ್ಚಿನ ಸಂಶೋಧನೆಯು ಬಾಂಗ್ಲಾದೇಶದ ಸ್ಥಳೀಯ ಮಾಧ್ಯಮಗಳ ಹಲವಾರು ಸುದ್ದಿ ವರದಿಗಳಿಗೆ ನಮ್ಮನ್ನು ಕರೆದೊಯ್ಯಿತು (ಇಲ್ಲಿ, ಇಲ್ಲಿ ಮತ್ತು ಇಲ್ಲಿ). ಈ ವರದಿಗಳ ಪ್ರಕಾರ, ಜೂನ್ 10, 2025 ರಂದು ಬಾಂಗ್ಲಾದೇಶ ಮತ್ತು ಸಿಂಗಾಪುರ ನಡುವಿನ AFC ಏಷ್ಯನ್ ಕಪ್ ಅರ್ಹತಾ ಪಂದ್ಯದ ಸಮಯದಲ್ಲಿ, ಢಾಕಾದ ಬಾಂಗ್ಲಾದೇಶ ರಾಷ್ಟ್ರೀಯ ಕ್ರೀಡಾಂಗಣದ ಗೇಟ್ ಸಂಖ್ಯೆ 4 ರ ಹೊರಗೆ ಅನೇಕ ಟಿಕೆಟ್ ರಹಿತ ಅಭಿಮಾನಿಗಳು ಪ್ರವೇಶಿಸಲು ಪ್ರಯತ್ನಿಸಿದಾಗ ಅವ್ಯವಸ್ಥೆ ಉಂಟಾಯಿತು. ಪರಿಸ್ಥಿತಿಯನ್ನು ನಿಯಂತ್ರಿಸುವ ಪ್ರಯತ್ನದಲ್ಲಿ, ಸೇನಾ ಸಿಬ್ಬಂದಿ ಆಕಸ್ಮಿಕವಾಗಿ ಹಮ್ಜಾ ಎಂಬ ಧ್ವಜ ಮಾರಾಟಗಾರನನ್ನು ಹೊಡೆದರು. ಗುಲಿಸ್ತಾನ್ ಸೇನಾ ಶಿಬಿರದ ಲೆಫ್ಟಿನೆಂಟ್ ಕರ್ನಲ್ ಅಫ್ಜಲುರ್ ರೆಹಮಾನ್ ಚೌಧರಿ ನೇತೃತ್ವದ ಸೇನೆಯು ನಂತರ ಹಮ್ಜಾ ಅವರನ್ನು ಭೇಟಿ ಮಾಡಿ ವಿಷಾದ ವ್ಯಕ್ತಪಡಿಸಿ ಪರಿಹಾರವಾಗಿ ಒಂದು ಲಕ್ಷ ಟಕಾ ದೇಣಿಗೆ ನೀಡಿದ್ದಾರೆ. ಸೇನೆಯು ಈ ಘಟನೆಯನ್ನು ಪ್ರತ್ಯೇಕ ಮತ್ತು ಭಾವನಾತ್ಮಕ ಎಂದು ಕರೆದಿದ್ದು, ಹಲ್ಲೆ ನಡೆಸಿದ ಸಿಬ್ಬಂದಿ ವಿರುದ್ಧ ಶಿಸ್ತು ಕ್ರಮವನ್ನು ತೆಗೆದುಕೊಳ್ಳುವುದಾಗಿ ದೃಢಪಡಿಸಿದೆ.
ಇನ್ನು ಹೇಳುವುದಾದರೆ, ಪಶ್ಚಿಮ ಬಂಗಾಳದಲ್ಲಿ ಬಾಂಗ್ಲಾದೇಶದ ಧ್ವಜ ಮಾರಾಟಗಾರನನ್ನು ಬಂಧಿಸಿದ ಯಾವುದೇ ವರದಿಗಳು ನಮಗೆ ಕಂಡುಬಂದಿಲ್ಲ. ವೈರಲ್ ವೀಡಿಯೊದಲ್ಲಿ ತೋರಿಸಿರುವ ನಿರ್ದಿಷ್ಟ ಘಟನೆ ಪಶ್ಚಿಮ ಬಂಗಾಳದಲ್ಲಿ ನಡೆದಿಲ್ಲ – ಬಾಂಗ್ಲಾದೇಶದ್ದಾಗಿದೆ.
ಒಟ್ಟಾರೆಯಾಗಿ, ಢಾಕಾದಲ್ಲಿ ಬಾಂಗ್ಲಾದೇಶದ ಧ್ವಜ ಮಾರಾಟಗಾರನ ಮೇಲೆ ಸೇನಾ ಸಿಬ್ಬಂದಿ ಥಳಿಸುವ ವೀಡಿಯೊವನ್ನು ಪಶ್ಚಿಮ ಬಂಗಾಳದಲ್ಲಿ ನಡೆದಂತೆ ತಪ್ಪಾಗಿ ಹಂಚಿಕೊಳ್ಳಲಾಗಿದೆ.