‘మిషన్ మోడీ 2019’ అనే ఫేస్బుక్ పేజీ ఒక పోస్ట్ లో ‘ఫోటో లో ఎర్రని వృత్తం లో ఉన్న వ్యక్తి జైషే మహ్మద్ అధినేత మసూద్ అజర్ అని చెప్పింది . మొన్నటి పుల్వామా దాడి లో ఇతను కీలక నిందితుడు .ఇటు పక్కన కూర్చున్నది కాంగ్రెస్ నాయకుడు మాజీ ఆర్ధికమంత్రి పి.చిదంబరం’ అంటూ పెట్టారు . ఆ పోస్ట్ లో ఎంతవరకు నిజం ఉందో ఒకసారి విశ్లేషిద్దాం
క్లెయిమ్ (దావా): జైషే మహ్మద్ అధినేత మసూద్ అజర్ తో కాంగ్రెస్ నాయకుడు మాజీ ఆర్ధికమంత్రి పి.చిదంబరం
ఫాక్ట్ (నిజం): పోస్ట్ లోని ఫోటోని రివర్స్ ఇమేజ్ సెర్చ్ చేసినప్పుడు ఎర్రని వృత్తం లో ఉన్న వ్యక్తి అఫ్గాన్ తాలిబన్ నాయకుడు మరియు పాకిస్థాన్ కి ఆఫ్ఘానిస్తాన్ రాయబారిగా పని చేసిన ముల్లా అబ్దుల్ జాయీఫ్ గా గుర్తించపడ్డాడు. ఆ ఫోటో లో కాంగ్రెస్ నాయకుడు పి.చిదంబరం కూడా ఉన్నారు. దీనిని ‘తెహెల్క’ మీడియా సంస్థ గోవాలో నిర్వహించిన ‘థింక్ఫెస్ట్ 2013’ లో తీశారు. ఈ ఫోటోని టైమ్స్ నౌ మీడియా సంస్థ తమ అధికారిక ట్విట్టర్ పేజీలో ట్వీట్ కూడా చేసింది
చివరగా, ఆ ఫొటోలో కాంగ్రెస్ నాయకుడు పి.చిదంబరం తో పాటు ఒకే ఫ్రేమ్ లో ఉన్న వ్యక్తి జైషే మహ్మద్ అధినేత మసూద్ అజర్ కాదు, తాలిబన్ నాయకుడు మరియు పాకిస్థాన్ కి ఆఫ్ఘానిస్తాన్ రాయబారిగా పని చేసిన ముల్లా అబ్దుల్ జాయీఫ్.
